Sumqayıt şəhərində toy korteji qəzaya düşüb.

APA TV-nin məlumatına görə, hadisə şəhərin Üzeyir Hacıbəyov küçəsində qeydə alınıb. Kortejdə olan 50 DE 500 dövlət nömrə nişanlı  “BMW” markalı avtomobilin sürücüsü idarəetməni itirərək əvvəlcə  nəqliyyat vasitəsini yol kənarında dayanmış “Mercedes” markalı avtomobilə çırpıb.

Sonra isə “BMW”-nin sürücü yol kənarında təmizlik işləri aparan 1956-cı il təvəllüdlü Xəlilova Rəxşəndə Xeyrulla qızını vurub.

Ağır bədən xəsarətləri alan 65 yaşlı qadın təcili tibbi yardım xidmətinin köməyi ilə xəstəxanaya aparılıb. 

Faktla bağlı araşdırma aparılır.