Baha telefonlar niyə ucuzlar qədər enerji saxlamır? – Məşhur brendlərin GİZLİ SƏBƏBİ  

Müasir smartfon bazarında bir çox istifadəçiləri düşündürən əsas suallardan biri də budur: Niyə baha və flaqman telefonlar ucuz modellərlə müqayisədə enerjini daha az saxlayır? Oxu24.com xəbər verir ki, bu sualın cavabı yeni nəsil silikon-karbon batareya texnologiyasında və nəhəng şirkətlərin risk risk idarəetmə siyasətində gizlənir.

Silikon-karbon batareya texnologiyası nədir?

Texnologiya tarixinin son möcüzələrindən sayılan silikon-karbon batareyalarda ənənəvi qrafit əvəzinə silikondan istifadə olunur. Bu yenilik eyni ölçülü batareyaya daha çox enerji tutumu sığdırmağa imkan verir.

Böyük brendlərlə rəqabətdə üstünlük qazanmaq və alıcılara daha cazibədar təklif təqdim etmək istəyən nisbətən kiçik smartfon istehsalçıları məhz bu silikon-karbon batareyalardan istifadə etməyə üstünlük verirlər.

Apple və Samsung niyə bu texnologiyaya keçmir?

Sual olunur: Əgər bu texnologiya eyni tutumda daha çox enerji saxlayırsa, nə üçün "Apple" (iPhone) və "Samsung" kimi flaqman istehsalçıları hələ də ənənəvi batareyalardan istifadə edirlər?

Məsələ burasındadır ki, silikon-karbon batareya texnologiyasının çox ciddi riskləri var:

•İsinmə və Genişlənmə (Partlama Riski): Bu batareyalar şarj edilərkən ciddi şəkildə isinir və genişlənir. Şirkətlər bu genişlənmənin qarşısını almaq üçün batareya daxilindəki silikon-karbon hissəni bərk materiallarla sıxırlar. Lakin bu sıxılma batareyanın isinməsi və genişlənməsi zamanı partlama riskini dəfələrlə artırır. İstehsal olunmuş milyonlarla cihazdan birinin belə partlaması böyük brendlərin nüfuzuna bərpaolunmaz zərbə vura bilər.

•Tez Köhnəlmə: Silikon-karbon batareyalar ənənəvi batareyalara nisbətən daha tez köhnəlir. Cəmi 2-3 il istifadədən sonra onların enerji tutumu kəskin şəkildə aşağı düşür.

Məhz bu səbəbdən "Apple", "Samsung" kimi nəhəng korporasiyalar yüksək riskli yeniliklər yerinə, istifadəçilərə daha təhlükəsiz, uzunömürlü və sınanmış ənənəvi batareya texnologiyalarını təqdim etməkdə maraqlıdırlar.

Həmçinin oxuyun

Toya hazırlaşanlara vacib xəbər:10 faiz artım var

12 avqustda bizi nələr gözləyir? — ULDUZ FALI

12 avqustla bağlı XƏBƏRDARLIQ

SON DƏQİQƏ! DİN mühüm açıqlama yaydı:Həmin cihaz vasitəsilə...