Azərbaycanda qandonduran cinayət: Atasının başını balta ilə dağıtdı - VİDEO

Şirvanda ruhi xəstə olan qadın atasını baltalayaraq öldürüb. Qətli törədən qadının respublika psixatriya xəstəxanasına dispanserizasiya ediləcəyi bldirilir. Kürdəmir sakini isə qardaşının hamilə arvadını g üllələyib. Qadın ağır vəziyyətdə xəstəxanaya yerləşdirilib.

Şirvanda qadın atasını balta ilə öldürüb. Hadisə bu gecə saat 3.00 radələrində Şirvan şəhəri, Məmməd Araz küçəsi ev 22-də yerləşən fərdi yaşayış evində qeydə alınıb.

Şizofreniya xəstəsi olan 43 yaşlı Mirsəkinə Əkbərova atası - 87 yaşlı Nadir Əkbərovu baş nahiyəsindən balta ilə bir neçə zərbə ilə qətlə yetirib. Meyit Şirvan pataloji anatomiya və məhkəmə tibbi ekspertiza mərkəzinə yerləşdirilib. Qeyd edilir ki, adıçəkilən ünvanda ruhi xəstə olan bacı və qardaş ataları ilə birgə yaşayırmış. Gecə saatlarında hüquq-mühafizə orqanlarının əməkdaşları və kriminalistlər tərəfindən qətlin törədildiyi yer müayinə edilib. Qətldə istifadə olunan balta maddi sübut kimi götürülüb. Qətli törədən qadının respublika psixatriya xəstəxanasına dispanserizasiya ediləcəyi bildirilir. Faktla bağlı Şirvan şəhər prokurorluğu tərəfindən cinayət işi başlanılıb.

Kürdəmir sakini isə qardaşı arvadını güllələyib. Hadisə rayonun Sığırlı kəndində baş verib. Kənd sakini Ramo Mövlayev qardaşının yoldaşı 20 yaşlı Könül Mövlayevə ov tüfəngindən atəş açıb. Könül Mövlayeva yaxınlarının köməkliyi ilə dərhal Kürdəmir rayon mərkəzi xəstəxanasına çatdırılıb.

Ramo Mövlayev şübhəli şəxs qismində saxlanıb.Hazırda faktla bağlı Kürdəmir rayon Prokurorluğunda araşdırma aparılır. Qeyd edək ki,güllə xəsarəti alan Könül Mövlayeva hamilədir və bundan başqa onun 10 aylıq körpə uşağı var. Hadisəni törədən Ramoy Mövlayevin 2 ci qrup əlil olduğu və ruhi xəstə olduğu bildirilir.