Şirvanda qətl hadisəsi baş verib. Hadisə  gecə 3.00 radələrində Şirvan  şəhəri, Məmməd Araz küçəsi ev 22-də qeydə alınıb. 

APA TV-nin məlumata görə, 1977-ci il təvəllüdlü Mirsəkinə Əkbərova balta ilə atası - 1933-cü il təvəllüdlü Nadir Əkbərovun baş nahiyəsindən bir neçə zərbə vuraraq onu qətlə yetirib. 

Mərhumun meyiti Şirvan Pataloji Anatomiya və Məhkəmə Tibbi Ekspertiza mərkəzinə yerləşdirilib. 

Məlumata görə, adıçəkilən ünvanda ruhi xəstə olan bacı və qardaş ataları ilə birgə dözülməz şəraitdə yaşayırmış. 

Hüquq-mühafizə orqanlarının əməkdaşları və kriminalistlər tərəfindən qətlin törədildiyi yer müayinə edilib və balta maddi sübut kimi götürülüb. 
Qətli törədən şizofreniya və paranoyadan əziyyət çəkən qadının respublika psixiatriya xəstəxanasına dispanserizasiya ediləcəyi bildirilir.

Faktla bağlı cinayət işi başlanılıb, araşdırma aparılır.