Sabirabad sakini ona məxsus mənzildən qızıl-zinət əşyalarının oğurlandığı barədə polis şöbəsinə müraciət edib.

Oxu24.com -un  bürosunun məlumatına görə, hüquq-mühafizə orqanları tərəfindən keçirilən əməliyyat-axtarış tədbirləri nəticəsində məlum olub ki, xalası evindən oğurluq edən şəxs Sabirabad şəhər sakini, 39 yaşlı Rizvan Kazımovdur.    

Saxlanılan şəxs oğurladığı qızıl-zinət əşyalarını 1990-cı il təvəllüdlü tanışı, əvvəllər məhkum olunmuş Sabirabad şəhər sakini Ağayev Mirhüseyin Xalıq oğluna verərək, qızılları satmaqda ona kömək etməsini istəyib. Əvəzində ona hörmət edəcəyini bildirib.

Sonuncunun oğurluq hadisəsində iştirakı olmasa da, polis şöbəsinə gətirilən zaman özünü şübhəli apardığından, üzərinə baxış keçirilib və ondan narkotik vasitə olan 2 büküm heroin, 3 büküm metamfetamin aşkar olunaraq götürülüb. 

Hər iki fakt üzrə cinayət işi başlanılıb, araşdırma aparılır. 

Mənbə: APA TV