Bu foto qalmaqala səbəb oldu

2006-cı il dünya çempionu və 2000-ci il Olimpiya Oyunlarının gümüş mükafatçısı Yelena Qodina Kalininqrad “Lokomotiv”inin voleybolçularını eynicinsli münasibətlər nümayiş etdirməkdə ittiham edib.

 

Oxu24.com  xəbər  verir   ki,  onun sözləri Moskvanın "Dinamo" saytında yer alıb.

 

Keçmiş idmançı türkiyəli voleybolçu Ebrar Karakurtun komanda yoldaşı Yuliya Brovkinanın yanağından öpərək onu qaldırmasına diqqət çəkib.

 

O, türk qadınının Coker obrazına, rus qadının isə Harley Quinn obrazına uydurulduğu fotoları da nümayiş etdirib.

 

Qodina bildirib ki, “Lokomotiv” voleybolçularının davranışı Rusiyanın mədəniyyətini və tarixini təhqir edir.

 

"Bizim utancımızdır ki, verilişlərdə dəhşətli jestlər, dodaqlarda eynicinsli öpüşlər və digər iyrəncliklər göstərilir",-deyə  o  bildirib.

 

Aprelin 14-də “Lokomotiv” Rusiya çempionatının yarımfinal pley-off mərhələsi çərçivəsində “Dinamo”nu 3:1 hesabı ilə məğlub edib. Komanda 3-2 hesabı ilə qalib gələrək turnirin finalına yüksəlib.

 

Nigar