“Əhali narahat olmasın, onlara qarşı hər hansı qanunsuz hərəkətə yol verilməyəcək”.

Bunu APA TV-yə açıqlamasında Baş Dövlət Yol Polisi İdarəsinin ictimaiyyətlə əlaqələr şöbəsinin rəisi, polis polkovniki Kamran Əliyev deyib.

O bildirib ki, qaydanı pozanlarla bağlı tədbirlər qanun çərçivəsində həyata keçiriləcək.

“Xahişimiz odur ki, hər kəs sərtləşdirilmiş karantin rejiminə ciddi riayət eləsin.

Yəni, “sms icazə” almadan çölə çıxmasın, yaxud kimsə icazə portalında qeydə alınıbsa, ondan təyinatı üzrə istifadə eləsin. Polis postlarının götürülməsindən sui-istifadə hallarına yol verilməməlidir. Bu, hər kəsin ziyanına işləyə bilər. Yəni insanların təcrid olunması, təmasın azaldılması - bu yalnız onların sağlamlığı ilə bağlıdır.

Düşünürük ki, kimsə sağlamlığını təhlükə altında qoyub, sui-istifadə hallarına yol verməyəcək. Buna yol verən şəxslər aşkarlandıqda isə qanunun tələbinə uyğun olaraq barələrində müvafiq tədbirlər görüləcək”- deyə, Kamran Əliyev bildirib.