Sülhün əsas açarı: Delimitasiya və anklavlar prosesi ləngidə bilərmi? – ŞƏRH
17 Noyabr 2026, 19:14
Qaynar xətt:
(+99450) 247 90 86
SİYASƏT
57
17.11.2026, 19:39
Azərbaycan və Böyük Britaniya arasında Strateji Tərəfdaşlıq haqqında birgə bəyannamənin imzalanması ikitərəfli münasibətlərdə mühüm tarixi mərhələ kimi qiymətləndirilir. Dublində Azərbaycan Prezidenti İlham Əliyev və Böyük Britaniyanın Baş naziri Endi Börnham tərəfindən imzalanan bu sənəd əlaqələrin gələcək inkişaf istiqamətlərini müəyyənləşdirir. Bəyannamədə müdafiə və təhlükəsizlik, ticarət, investisiya, enerji, Orta Dəhliz, eləcə də təhsil və innovasiya sahələrində əməkdaşlığın genişləndirilməsi nəzərdə tutulur. Tərəflər həmçinin regional təhlükəsizlik və davamlı sülhün təmin olunması istiqamətində birgə səyləri dəstəkləməyi öhdələrinə götürüblər. İndiyədək əsasən enerji sektoru üzərində qurulan münasibətlər bu sənədlə daha geniş və çoxşaxəli müstəviyə keçir. Ekspertlər hesab edirlər ki, yeni razılaşma ölkəmizin beynəlxalq mövqelərinin möhkəmlənməsinə və qeyri-neft sektorunun inkişafına ciddi təkan verəcək. Eyni zamanda, tərəflərin hər il Strateji Tərəfdaşlıq görüşləri keçirmək barədə razılığı əldə olunan nəticələrin davamlılığını təmin edəcək.
Mövzu ilə bağlı Oxu24.com-a açıqlama verən politoloq Rəşad Bayramov bildirib ki, Azərbaycan və Böyük Britaniya arasında Strateji Tərəfdaşlıq haqqında Birgə Bəyannamənin imzalanması iki ölkənin münasibətlərində keyfiyyətcə yeni mərhələnin başlanğıcı kimi qiymətləndirilə bilər:
"Göründüyü kimi, Dublində Prezident İlham Əliyev və Böyük Britaniyanın Baş naziri Endi Börnham tərəfindən imzalanan sənəd Bakı-London əlaqələrinin ənənəvi enerji əməkdaşlığı çərçivəsindən çıxaraq siyasi, təhlükəsizlik, iqtisadi, texnoloji və humanitar istiqamətləri əhatə edən geniş strateji tərəfdaşlığa çevrilməsini nəzərdə tutur. Bu, Azərbaycanın beynəlxalq münasibətlər sistemində artan rolunun və xarici siyasətinin çoxşaxəli xarakterinin göstəricisidir”.
Onun sözlərinə görə, ilk növbədə, sənədin müdafiə və təhlükəsizlik istiqamətində yaratdığı imkanlar diqqət çəkir. Tərəflər hərbi hazırlıq, kadrların peşəkar inkişafı, müdafiə potensialının gücləndirilməsi və müdafiə sənayesi sahəsində əməkdaşlığın genişləndirilməsini nəzərdə tuturlar. Hüquq-mühafizə orqanları, sərhəd təhlükəsizliyi və müasir təhdidlərə qarşı mübarizə sahələrində əməkdaşlıq da tərəfdaşlığın mühüm istiqamətlərindəndir. Böyük Britaniyanın beynəlxalq təhlükəsizlik və müdafiə sahəsində təcrübəsi Azərbaycanın milli təhlükəsizlik imkanlarının inkişafı üçün əlavə platforma yarada bilər. Bununla yanaşı, sənəddə regional sülhə və sabitliyə dəstək xüsusi vurğulanır.
Rəşad Bayramov qeyd edib ki, iqtisadi əməkdaşlıq isə yeni tərəfdaşlığın digər mühüm sütununu təşkil edir:
“Böyük Britaniya uzun illərdir Azərbaycanın enerji sektorunda əsas beynəlxalq tərəfdaşlarından biridir. Xüsusilə BP şirkətinin Xəzər hövzəsindəki fəaliyyəti iki ölkə arasında iqtisadi əlaqələrin möhkəm təməlini yaradıb. İndi isə əməkdaşlığın bərpaolunan enerji, yaşıl maliyyə, infrastruktur, xidmətlər və investisiya sahələrinə genişləndirilməsi nəzərdə tutulur. Bu yanaşma Azərbaycanın qeyri-neft sektorunun inkişafı və iqtisadiyyatın şaxələndirilməsi baxımından əhəmiyyətlidir”.
Politoloq hesab edir ki, Orta Dəhlizin inkişafına verilən dəstək də xüsusi geosiyasi və iqtisadi əhəmiyyət daşıyır:
“Azərbaycan Şərqlə Qərb arasında mühüm tranzit qovşağı kimi çıxış edir. Böyük Britaniyanın bu istiqamətdə əməkdaşlığa maraq göstərməsi ölkəmizin nəqliyyat-logistika potensialına beynəlxalq investisiyaların cəlb olunmasına və Avrasiya ticarət əlaqələrinin genişlənməsinə şərait yarada bilər.
Sənədin təhsil, elm və innovasiya istiqamətləri də uzunmüddətli perspektiv baxımından vacibdir. Süni intellekt, rəqəmsal idarəetmə, universitetlərarası əməkdaşlıq, peşə təhsili və elmi tədqiqatlar üzrə əlaqələrin genişləndirilməsi Azərbaycanın insan kapitalının inkişafına sözsüz ki, töhfə verəcək. Azərbaycan və Britaniyanın hər il Strateji Tərəfdaşlıq görüşləri keçirmək barədə razılığı isə əldə olunan razılaşmaların icrasına institusional nəzarət mexanizmi yaradır ki, bu da olduqca əhəmiyyətlidir”.
Müsahibimiz əlavə edib ki, Azərbaycan-Böyük Britaniya strateji tərəfdaşlığı sadəcə diplomatik münasibətlərin yüksəldilməsi deyil, ölkəmizin beynəlxalq mövqelərinin, iqtisadi imkanlarının və təhlükəsizlik əlaqələrinin genişləndirilməsi baxımından mühüm addımdır. Bu tərəfdaşlıq Azərbaycanın Avropa ilə əlaqələrinin dərinləşməsinə, regional əməkdaşlığın güclənməsinə və milli maraqlara əsaslanan müstəqil xarici siyasətinin imkanlarının genişlənməsinə xidmət edə bilər.
Çimnaz Telmanqızı
19:51 / 17 Noyabr 2026
16
19:40 / 17 Noyabr 2026
79
19:28 / 17 Noyabr 2026
202
19:21 / 17 Noyabr 2026
63
19:14 / 17 Noyabr 2026
75
19:09 / 17 Noyabr 2026
75
19:06 / 17 Noyabr 2026
179
18:57 / 17 Noyabr 2026
93
18:55 / 17 Noyabr 2026
92
18:50 / 17 Noyabr 2026
97
18:40 / 17 Noyabr 2026
388
18:38 / 17 Noyabr 2026
92
18:28 / 17 Noyabr 2026
98
18:21 / 17 Noyabr 2026
106
17:59 / 17 Noyabr 2026
104
17:49 / 17 Noyabr 2026
96
16:51 / 17 Noyabr 2026
117
16:34 / 17 Noyabr 2026
129
16:29 / 17 Noyabr 2026
120
16:21 / 17 Noyabr 2026
144
16:12 / 17 Noyabr 2026
128
15:57 / 17 Noyabr 2026
160
15:43 / 17 Noyabr 2026
172
© 2026 Oxu24.com Müəllif hüquqları qorunur.