“Müdafiə sistemləri daha da gücləndirilməlidir” – Ekspertdən XƏBƏRDARLIQ  

Xəbər verdiyimiz kimi, bu gün Baş nazir Əli Əsədov Milli Məclisdə “Azərbaycan Respublikası Nazirlər Kabinetinin 2025-ci ildə fəaliyyəti haqqında hesabatı”nı təqdim edib. Nazir qeyd edib ki, 2025-ci ilin dövlət büdcəsində də müdafiə və milli təhlükəsizlik xərcləri artırılıb.

Baş nazir həmçinin bildirib ki, mövcud geosiyasi şərait nəzərə alınaraq, müdafiə qabiliyyətinin artırılmasına ardıcıl diqqətin göstərilməsi olduqca mühüm əhəmiyyət kəsb edir.

Müdafiə qabiliyyətinin artırılması indiki şəraitdə nəyə hesablana bilər ?

Sualımızı cavablandıran hərbi ekspert Üzeyir Cəfərovun Oxu24.com-a açıqlamasına görə, sözsüz ki, regionda, ABŞ, İsrail və İran qarşıudurması fonunda müdafiə qabiliyyətimizi artırmalıyıq:

“Hava hücumundan müdafiə sistemləri, müasir xəbərdaredici avadanlıqlar və müasir silah sursatlar alınmalıdır. Əslində bu silah sursatlar alınıb, lakin bir az da təkmilləşdirilməlidir ki, gələcəkdə bizə qarşı hər hansı bir təxribat xarakterli hadisələrin qarşısı alınsın. Əsla arxayınlaşmamalıyıq ki, bizə qarşı hansısa təxribat olmayacaq. Yeri gəlmişkən, çox istərdim ki, bu gün Milli Məclisdə Baş nazirin çıxışında mərkəzi şəhərlərin, ümumiyyətlə, bütün şəhər və rayonlarımızın təhlükəsizlik məslələrinin nə yerdə olmasına dair fikirlər səsləndirilməli idi. Hesab edirəm ki, Azərbaycanın müdafiə qabiliyyətinin artırılması üçün bəzi işlər sürətləndirilməli, bəzi işlər genişləndirilməli, bəzi tərəfdaş ölkələrlə isə müqavilələr imzalanmalıdır. Çünki hər ötən gün dünyada və regionda elə hadisələr baş verir ki, bu da bizi narahat edir. Bu narahatlığa son qoymaq üçün güclü olmalı, özümüzə və yaxın tərəfdaşlarımıza arxalanmalıyıq, bu məqsədlə də müdafiə təyinatlı silah-sursatlar, o cümlədən, vətəndaşların təhlükəsizliyini təmin etmək üçün fərdi vasitələrin alınması mütləq həyata keçirilməlidir”.

Yeganə

Həmçinin oxuyun

Zülfüqar Kazımov vəfat edib

Bölgələrdə pensiyalar bu tarixdə VERİLƏCƏK 

Hər uşağa görə ayrıca pul veriləcək? –  AÇIQLAMA  

Deputat AÇIQLADI: Azərbaycanda 4 günlük iş həftəsinə keçid necə OLACAQ?