Danimarka ABŞ ilə ikitərəfli hərbi müqavilə imzaladı

Amerika Birləşmiş Ştatları (ABŞ) və Danimarka ikitərəfli hərbi əməkdaşlıq sazişi imzalayıb.

 

Oxu24.com  TV2-yə istinadən  xəbər verir ki, bunu Danimarkanın baş naziri Mette Frederiksen keçirdiyi mətbuat konfransında deyib.

 

"ABŞ və NATO Danimarkanın təhlükəsizliyinin təminatçılarıdır, bu, İkinci Dünya Müharibəsindən bəri belədir və gələcəkdə də belə olacaq", - deyən Frederiksen, sazişin ikitərəfli münasibətlərdə yeni sıçrayış olduğunu qeyd edib.

 

Onun sözlərinə görə, sənəd imzalandıqdan sonra Amerika hərbçiləri və texnikası Danimarka ərazisində daimi qala biləcək.

 

Bundan əvvəl Danimarka Kiyevə üç il müddətinə 1 milyard dollar dəyərində hərbi yardım paketi ayırmaq qərarına gəlib.

 

Finlandiyanın “Helsingin Sanomat” qəzeti yazıb ki, ABŞ ordusu Finlandiyadakı 15 bazaya çıxış əldə edəcək. Amerika ordusu üçün bazaların açılması Vaşinqton və Helsinki arasında müdafiə sazişinin şərtləri ilə nəzərdə tutulub.

Bundan əvvəl ABŞ-ın İsveçdəki hərbi bazalarına çıxış əldə edəcəyi bildirilirdi.

 

Müəllif:Afət