“BYD” yeni iddialı model satışa çıxardı - FOTOLAR

CƏMİYYƏT

322

14.10.2026, 22:18

Xəbərlərimizi Google-da izləyin

Yeniliklərdən dərhal xəbərdar olun

Çinin elektromobil nəhəngi “BYD” özünün ən çox satılan rəqəmsal heçbek modeli “Seagull”un tamamilə yenilənmiş və ölçüləri böyüdülmüş ikinci nəslini daxili bazarda rəsmən ön sifarişə açıb.

Oxu24.com xəbər verir ki, müştərilər “BYD” mobil tətbiqi üzərindən 300 dollar beh ödəyərək yeni model üçün geri qaytarıla bilən rəsmi rezervasiya yarada bilirlər.

Satış strategiyası çərçivəsində avtomobilin yekun qiyməti və komplektasiya paketləri isə hələlik rəsmən elan edilməyib. Birinci nəsil ilə müqayisədə uzunluğu 425 mm artan yeni “Seagull” 4 205 mm uzunluğa, 2 650 mm təkər bazasına və daxilində beşnəfərlik genış interyer sahəsinə sahib olub.

Həmçinin, avtomobildə kapotun altında yerləşən 94 litrlik əlavə saxlanma bölməsi ilə yanaşı, qatlanan arxa oturacaqlar sayəsində 1 380 litrə çatan geniş baqaj həcmi təqdim olunur. Üstəlik, ikinci nəsil model alıcılara altı fərqli gövdə rəngi seçimi ilə təklif edilir.

Bundan başqa, arxa oxunda 95 кVt (127 at gücü) gücündə elektrik mühərriki barındıran heçbek iki fərqli batarya həcmi ilə komplektləşdirilir. Eyni zamanda, sifarişçilərə 30 кVt/saat və 39,2 кVt/saat tutumlu iki fərqli batareya seçimi təqdim olunur. Bu aqreqatlar CLTC standartlarına əsasən tək şarjla 320-dən 420 kilometrədək gediş məsafəsi vəd edir.

Onu da qeyd edək ki, yenilənmiş modelin ən diqqətçəkən tərəflərindən biri şarj enerjisini cəmi 9 dəqiqə ərzində 10 faizdən 97 faizə qədər bərpa edə bilən yüksəksürətli dəstəyə malik olmasıdır.

Yeni “Seagull”da “DiPilot 300” təhlükəsizlik sisteminin bir hissəsi kimi, istəkdən asılı olaraq dam küncünə inteqrasiya edilmiş LiDAR sensoru da quraşdırıla bilir. İkinci nəsil “Seagull” modelinin Çin daxili bazarında 15 min dollardan aşağı qiymətə satışa çıxarılacağı proqnozlaşdırılır.Hit.az

Həmçinin oxuyun