Koronavirusun yayılması ilə bağlı artım tempinin azalması baş verərsə, Rusiyanın Şimali Qafqaz regionu və Krasnodar diyarındakı istirahət məkanları daxili turizm üçün açıla bilər.

Rusiya Baş nazirinin müavini Dmitri Çernışenko “Rusiya 24” televiziya kanalına müsahibəsində bu barədə danışıb.

Onun sözlərinə görə, pandemiya səbəbindən turizm sənayesi ciddi şəkildə zərər görüb və iqtisadiyyatın ən çox təsirlənən sahələri siyahısına daxil edilib.

Çernışenko vəziyyətin yaxşılaşmasından sonra sakinlərin Rusiya kurortlarına daha çox diqqət yetirməyə başlayacaqlarını qeyd edib.