Qumar sevgisi dünya mətbəxini necə dəyişdi? – Sendviçin maraqlı yaranma TARİXİ

DÜNYA

22.07.2026, 12:48

Qumar masasında başlayan bənzərsiz bir asılılıq, bu gün hər birimizin gündəlik həyatında istifadə etdiyi qidanın yaranmasına səbəb olub. Oxu24.com xəbər verir ki, müasir fast-food və tez bazar qəlyanaltıların tacı sayılan sendviç əslində bir zadəganın qumar masasını tərk etməmək istəyindən yaranıb.

Tarixi mənbələrə və rəvayətlərə görə, hər şey 1762-ci ildə İngiltərədə başlayıb. Böyük bir qumarbaz və ingilis zadəganı olan 4-cü Sendviç qrafı Con Montaqyu (John Montagu) qumar oyunlarına həddindən artıq düşkün idi. O, qumar masasına o qədər bağlı idi ki, saatlarla, hətta günlərlə masadan qalxmaz, yemək yeməyi belə unudardı.

Lakin onun əsas problemi acıqması və qumar oynayarkən əllərinin yağlanması idi. O dövrdə xidmət edilən yağlı ət yeməkləri həm qumar masasını, həm də çox baha olan oyun kartlarını batırırdı.

Qraf oyununa ara vermədən aclığını yatırtmaq üçün yaradıcı bir xidmətçidən fərqli bir üsul tələb edir. O, xidmətçisinə mal ətini iki dilim çörəyin arasına qoyub gətirməsini əmr edir. Bu üsul sayəsində qraf bir əli ilə çörəyin arasındakı əti yeyir, digər əli ilə də kartları oynamağa davam edirdi. Əlləri yağlanmadığı üçün qiymətli kartlar da korlanmırdı.

Əlbəttə ki, əti çörəyin arasına qoyub yemək Sendviç qrafından əvvəl də mövcud idi. Lakin bu üsulu İngiltərədə və zadəganlar arasında dəbə salan, ona indiki adını verən məhz 4-cü Sendviç qrafı oldu.

Qrafın bu rahat üsulla yemək yediyini görən klubun digər müştəriləri və zadəganlar da xidmətçilərdən "Sendviçə veriləndən" (yani qraf Sendviçin yediyindən) istəməyə başladılar. Qısa müddət ərzində bu sadə yemək üsulu bütün ölkəyə, daha sonra isə dünyaya yayıldı.

Beləliklə, bir zadəganın qumar asılılığı və pis vərdişi onun adını əbədiləşdirdi və bu gün hər kəsin bildiyi "sendviç" anlayışını kulinariya dünyasına bəxş etdi.

Həmçinin oxuyun