TƏCİLİ! İranda TƏŞVİŞ - Benzin üçün növbələr, insanlar ÖLKƏDƏN QAÇIR! 

İran paytaxtında mümkün hərbi qarşıdurma ilə bağlı xəbərlər fonunda əhali arasında ciddi narahatlıq müşahidə olunur. Sosial şəbəkələrdə və yerli mənbələrdə yayılan görüntülərə əsasən, Tehranda sürücülər yanacaqdoldurma məntəqələrinə axışır, bir çox ərazilərdə uzun növbələr yaranıb.

Oxu24.com  xəbər verir ki, son günlər ABŞ və İsrail mənbələrindən gələn siqnallar, eləcə də regionda artan hərbi fəallıq İran cəmiyyətində təşvişi artırıb. Bir sıra qeyri-rəsmi məlumatlarda artıq bütün hazırlıqların tamamlandığı və yaxın saatlarda İrana qarşı güclü hücumların başlaya biləcəyi iddia olunur. Bununla bağlı rəsmi təsdiq verilməsə də, əhali ehtiyat tədbirləri görməyə başlayıb.

Bəzi mənbələrdə ölkədən çıxışa marağın artdığı, sərhəd-keçid məntəqələrində və hava limanlarında sıxlığın müşahidə olunduğu barədə xəbərlər də yayılır. Sosial mediada paylaşılan məlumatlarda insanların mümkün eskalasiya fonunda ölkəni tərk etməyə çalışdığı bildirilir. Lakin bu məlumatlar rəsmi qurumlar tərəfindən təsdiqlənməyib.

Prosesdə ABŞ-ın rolu xüsusi diqqət çəkir. Vaşinqton uzun müddətdir İranın regiondakı təsirini məhdudlaşdırmaq strategiyasını həyata keçirir. ABŞ administrasiyası İranın nüvə proqramını təhlükə hesab edir və Tehranı yeni razılaşmaya məcbur etməyə çalışır. Vaşinqton həm iqtisadi sanksiyalar, həm də siyasi təzyiq vasitəsilə İranı daha sərt seçim qarşısında qoymaq niyyətini açıq şəkildə bəyan edib.

Həmçinin oxuyun

Nazirlər Kabineti maaşlarla bağlı QƏRAR VERİB

Bu universitetin tələbəsi dünyasını dəyişdi -FOTO

DİN Gəncədə əməliyyat keçirib:Həbs olunan var +VİDEO

Əliyev hər şeyi Pezeşkianın bircə zənginə qurban etdi... 

Digər tərəfdən, bəzi ekspertlər ABŞ-ın hərbi ssenarini tam istisna etmədiyini bildirirlər. Xüsusilə İsrailin İranın nüvə obyektlərinə mümkün zərbə planları ilə bağlı müzakirələr regionda narahatlığı daha da artırır. Belə bir hücum baş verərsə, İranın cavab addımlarının yalnız ikitərəfli qarşıdurma ilə məhdudlaşmayacağı, bütün Yaxın Şərqi əhatə edən genişmiqyaslı münaqişəyə səbəb ola biləcəyi ehtimal edilir.

Hazırkı mərhələdə rəsmi Tehran tərəfindən fövqəladə vəziyyət elan olunmayıb və hərbi əməliyyatların başladığına dair təsdiqlənmiş məlumat yoxdur. Lakin informasiya məkanında yayılan intensiv xəbərlər və regionda müşahidə olunan hərbi hərəkətlilik fonunda paytaxtda əhalinin ehtiyat tədbirlərinə üstünlük verməsi gərginliyin real olduğunu göstərir.

Bütün diqqətlər indi diplomatik kanallara və mümkün hərbi ssenarilərin qarşısının alınıb-alınmayacağına yönəlib. Regionun gələcək taleyi isə yaxın günlərdə veriləcək siyasi və hərbi qərarlardan asılı olacaq.KONKRET.az