“Paşinyan Rusiyanın ona qarşı hibrid müharibə başladacağını anlayır”- ŞƏRH

Rusiyanın “Tramp marşrutu”nda iştirak etməsinə qarşı çıxan və buna nail olan Ermənistan həm də, dəmir yollarının idarəçiliyini Rusiyadan almaq fikrindədir. Üstəlik Ermənistan Türkiyə - Ermənistan sərhədindən Rusiyanın hərbi mövcudluğuna son qoyur. Bütün bu amillər Rusiya və Ermənistan arasında böyük bir münaqişə və ya müharibə olmasına şərait yarada bilərmi?

Oxu24.com-un suallarını siyasi-analitik Elməddin Behbud cavablandırıb 

Həmçinin oxuyun

Prezidentdən bayram öncəsi XOŞ MÜJDƏ: FƏRMAN yanvarın 1-dən tətbiq edilir

Prezident FƏRMAN İMZALADI: DTX VƏ DİN...

Həmin şəxs xaricdən tutulub Azərbaycana gətirildi

Prezident Qanun İMZALADI

Siyasi-analitik bildirib ki, Ermənistan  Rusiyanın hücum etməsinə şərait yaradacaq qədər  həddini aşmaz.

"Epitetlə desək, ən pis halda qarışqa filin ayaqları altında məhv ola bilər. Heç bir halda bu iki ölkə arasında müharibə ola bilməz. Amma geosiyasi cəhətdən  fərqli məqamlara rast gəlmək olur. Rusiyalı ekspertlərin dili ilə desək, 2018-ci ildə Sorosun kadrlarından olan Paşinyanın hakimiyyətə gəlməsindən sonra Ermənistanda Rusiyadan sürətlə, eyni zamanda, mərhələli qaydada uzaqlaşma prosesi gedir. Təbii ki, Rusiya da bunu birmənalı qarşılamır. Rusiya rəsmilərinin məlum  dəmir yolları şəbəkəsi ilə  bağlı bu yaxınlarda açıqlamalarında da göründü ki, onlar  iki günə bütün Ermənistanın dəmir yolu sistemini çökürdə bilər. Bu əlbəttə ki, Paşinyan hakimiyyətinə bir xəbərdarlıq idi. 

 Xüsusən  hamını maraqlandıran bir məsələ var: Ermənistandakı Rusiyaya məxsus 102-ci hərbi bazanın  çıxarılması mövzusunun gündəmə gətirilməsi  bu tip xəbərdarlıqlarda özünü biruzə verir. Təbii ki, Nikol Paşinyan heç bir halda Rusiyanın 102-cü hərbi bazasının Ermənistan ərazisindən çıxarılmasını düşünmədiklərini, bunun gündəlikdə olmadığını və Rusiyanın, konkret olaraq Putinin 2020-ci il üstərəfli bəyannamənin imzalanmasında  böyük rolunun olduğunu vurğuladı. Bu, Ermənistana Rusiya tərəfindən  təzyiqlərin nəticəsidir. Eyni zamanda Ermənistan dövlətinin özünü müdafiə instinkidir. 

Rusiya Ermənistana qarşı ancaq hibrid müharibə apara bilər ki, bu da informasiya müharibəsi, kiberhücumlar, dezinformasiya, iqtisadi təzyiqlər, yerli sosial və siyasi gərginliklərdən istifadə  kimi üsulların məcmusudur.”-deyə Elməddin Behbud vurğulayıb.

 Əntiqə Rəşid