Qaynar xətt:

(+99450) 247 90 86

Tramp NASA proqramlarına 8 milyard dollardan çox vəsait ayıracaq

DÜNYA

347

02.05.2025, 19:19

2026-cı il büdcəsi çərçivəsində ABŞ prezidenti Donald Tramp NASA-nın Ay və Marsın tədqiqi ilə bağlı proqramlarına 8 milyard dollardan çox vəsait ayırmağı planlaşdırır.

Oxu24.com  xəbər verir ki, bu barədə Ağ Evin cümə günü dərc etdiyi federal büdcə layihəsində deyilir.

Layihə Ayın və Marsın tədqiqinin sürətləndirilməsinə diqqət yetirməklə ABŞ-ın kosmik proqramı üçün maliyyənin əhəmiyyətli dərəcədə artırılmasını təklif edir.

NASA-nın Çini Aya qədər məğlub etmək məqsədi daşıyan Ay missiyasına 7 milyard dollardan çox vəsait xərclənir.

Bundan əlavə, Marsa gələcək insan ekspedisiyasına hazırlaşmaq məqsədi daşıyan uzunmüddətli proqramların həyata keçirilməsi üçün əlavə 1 milyard dollar investisiya nəzərdə tutulur.

Sənəddə vurğulanır ki, ABŞ-ın kosmosun tədqiqində liderliyini bərpa etmək milli təhlükəsizlik strategiyasının elementi kimi görünür.

Mart ayında Tramp bildirib ki, ölkəsi kosmos tədqiqatlarında lider olacaq və bir gün Marsda və ondan kənarda Amerika bayrağını sancacaq. O qeyd edib ki, onun administrasiyası ABŞ-ın aparıcı kosmik dövlət kimi mövqeyini gücləndirməyi planlaşdırır.

Nigar