Qaynar xətt:

(+99450) 247 90 86

Ərdoğanın oğlu Rusiya haqqında nə deyib?   —   Müsahibəsindən çıxarış 

DÜNYA

484

22.04.2025, 11:25

Dünya Etnoidman Konfederasiyasının rəhbəri, Türkiyə prezidenti Rəcəb Tayyib Ərdoğanın oğlu Necməddin Bilal Ərdoğan TASS-a müsahibəsində Rusiyaya simpatiyasını ifadə edib.

Oxu24.com xəbər verir ki, "Əlbəttə, Rusiyaya gəlməyi xoşlayıram. Hətta Yakutskda da olmuşam. Həmçinin Moskvada, Sankt-Peterburqda, Kazanda, Soçidə", - o deyib.

Bilal Ərdoğan ölkədə çoxlu etnik qrupların yaşadığına görə rus mətbəxinə meyilli olduğunu qeyd edib.

"Mətbəx zəngindir və mənim çox xoşuma gəlir. Bundan əlavə, Rusiyada bir çox türk xalqları yaşayır və onların kulinariya ənənələri bir çox cəhətdən bizə yaxın və tanış olan rus mətbəxinə də daxil olub".

Bilal Ərdoğan Rəcəb Tayyib Ərdoğanın dördüncü və ən kiçik oğludur. 23 aprel 1981-ci ildə anadan olub. 2015-ci ildə İstanbulda yaradılan Dünya Etno-idman Konfederasiyasına rəhbərlik edir. O, Türkiyənin “Tuğva” gənclər fondunu idarə edir və bizneslə məşğuldur.

Bundan öncə Ərdoğanın oğlu “Prezident olmaq istəyirsiniz?” sualına cavab vermişdi.