Qaynar xətt:

(+99450) 247 90 86

Peskov Ukrayna ilə bağlı danışıqlara Avropa ölkələrinin daxil edilməsindən danışıb

DÜNYA

137

18.04.2025, 14:25

Rusiya rəhbərliyi hələ də Avropa ölkələrindən Ukraynada sülh çağırışlarını eşitməyib.

Oxu24.com  xəbər verir  ki, bunu Rusiya prezidentinin mətbuat katibi Dmitri Peskov növbəti brifinq zamanı deyib.

Jurnalistlər ondan hərbi əməliyyatlara son qoymaq üçün bir sıra Avropa dövlətlərinin danışıqlar prosesinə daxil edilməsi ilə bağlı məlumatlara münasibət bildirməsini xahiş ediblər. Eyni zamanda, Kreml nümayəndəsi bu addımın hər hansı formada münaqişənin sülh yolu ilə həllinə töhfə verəcəyinə şübhə edib.

"Biz bu yaxınlarda Avropadan heç bir sülh çağırışı eşitməmişik. Əksinə, Avropanın özünün  Ukraynanın və s. daha da hərbiləşdirilməsinə çağırışlar var", - o bildirib.

Aprelin 17-də Fransa prezidenti Emmanuel Makron Parisdə ABŞ dövlət katibi Marko Rubio və ABŞ prezidentinin xüsusi nümayəndəsi Stiven Vitkoff ilə görüşüb.

Danışıqlarda Britaniya Nazirlər Kabineti katibinin təhlükəsizlik üzrə müşaviri Conatan Pauell də iştirak edib. Əsas müzakirə mövzularından biri Ukrayna böhranının həlli olub.

Daha sonra SkyNews telekanalı Makronun məsləhətçisinə istinadən xəbər verib ki, üç Avropa ölkəsi Ukraynadakı vəziyyətlə bağlı danışıqlara qoşulub. Söhbət Fransa, Böyük Britaniya və Almaniyadan gedir.

Rubio daha əvvəl Avropa dövlətlərinin danışıqlar prosesinə daxil edilməsindən danışıb.

Miri