“Güman edilirdi ki, virus tədricən mutasiyaya uğraya bilər, amma virus itməyib”.

Oxu24COM.-un məlumatına görə, bunu Nazirlər Kabineti yanında operativ qərargahın keçirdiyi mətbuat konfransında Tibbi Ərazi Bölmələrini İdarəetmə Birliyinin (TƏBİB) İdarə Heyətinin sədri Ramin Bayramlı bildirib.

Sədr qeyd edib ki, xəstəliyin inkubasiya dövrü 14 günə qədərdir:

“Virus infeksiyası ilə insan orqanizminin mübarizəsi fərdilik təşkil edir. Bəzi şəxslərdə virus iki-üç günə, bəzi şəxslərdə isə 14-cü gündə aşkar oluna bilər”.