Zaur Əliyev: “Ümumi tendensiya müsbət şəkildə davam edərsə, 65 yaşdan yuxarı vətəndaşlarımızın məsələsini nəzərdən keçirə bilərik”
Tətbiq etdiyimiz SMS icazə üsulu özünü doğrultdu və bizim təcrübədən başqa ölkələr də istifadə elədi. AYNA xəbər verir ki, bunu Nazirlər Kabineti yanında Operativ Qərargahın bugünkü brifinqində İcbari Tibbi Sığorta üzrə Dövlət Agentliyi (İTSDA) İdarə Heyətinin sədri Zaur Əliyev deyib.

Onun sözlərinə görə, karantin rejimində evdən çıxmaları qadağan edilən 65 yaşdan yuxarı vətəndaşlarla bağlı bu qərarın səbəbi onların sağlamlığının qorunması üçündür: “Lakin bizdə ümumi tendensiya müsbət şəkildə davam edərsə, əlavə yumşalma mərhələsində 65 yaşdan yuxarı vətəndaşlarımızın da məsələsini nəzərdən keçirə bilərik. Bununla bağlı qərarı Operativ Qərargah verir və onlar da epidemioloji vəziyyəti qiymətləndirərək yaxın zamanda qərar verəcəklər”