Gənc qanı ilə cavanlaşmaq mümkündür? – Həkimdən AÇIQLAMA

CƏMİYYƏT

278

24.08.2026, 14:55

Xəbərlərimizi Google-da izləyin

Yeniliklərdən dərhal xəbərdar olun

Müasir dövrdə orqanizmin cavanlaşdırılması və ömrün uzadılması ilə bağlı müxtəlif iddialar tez-tez gündəmə gəlir. Xüsusilə gənc fərdlərin qanının yaşlı insanlara köçürülməsi yolu ilə cavanlaşmanın mümkünlüyü barədə fikirlər cəmiyyətdə geniş müzakirələrə səbəb olur. Lakin tibbi mütəxəssislər bu cür yanaşmaların heç bir elmi əsasının olmadığını və tamamilə mif xarakteri daşıdığını bildirirlər. Qan hüceyrələrinin yaşama dövrü və sümük iliyinin fəaliyyət mexanizmi bu iddiaları təkzib edir. Oxu24.com məsələnin tibbi tərəflərini öyrənmək üçün mütəxəssisə müraciət edib.

Mövzu ilə bağlı Dr. Mir Eldar Babayev açıqlamasında bildirib:

"Bütün qan formalı elementləri, söhbət burda əsas qırmızı qan kürəciklərindən, eritrositlərdən gedir, onların yaşama dövrü var. İstər uşaq olsun, istər böyük olsun, yaşlı olsun, onların hamısında o formalı elementlərin yaşama dövrü var. 80-120 gün arası yaşayır. Və onların keyfiyyəti yaşdan asılı olaraq dəyişmir”.

Onun sözlərinə görə, onların hemoqlobin saxlamaq və ya dəmir saxlamaq tərkibində, və yaxud da ki, qlobin zəncirləri deyirlər, yəni bunu eritrositlərin tərkibini təşkil edir, dəyişmirlər. Digər hər hansı bir hissəsi irsiyyətə meyilli və ya qeyri-irsiyyətə bağlı olan xəstəlik yoxdursa Ona görə də cavanın qanı yaşlıya vuruldu, o çox yaşadı anlayışı bəlkə deyilən hardasa doğrudan da mif formasında fırlanır, ama əslində elə bir şey yoxdur.

Həkim qeyd edib ki, hər kəsin özünün sümük iliyi var, qan yaradır:

“Həmin qan yaranmanın özünün fəaliyyətinin aktiv və ya passiv olması ola bilər. O da müxtəlif amillərin təsiri altında, xroniki infeksiyaların təsirindən, müxtəlif-müxtəlif faktorların təsiri altında bu yəni dəyişə bilər. Yəni fəaliyyət zəifləyə bilər, arta bilər. Ama orada kiminsə qanını vurmaqla ki, onun həyat fəaliyyəti artsın, bu əlbəttə mühaldır”.

Həmçinin oxuyun