“Arzum”la Etibar Məmmədovu nə birləşdirir? – Sensasion detal 

Tiktoker İlduzə Hacıyeva (“Arzum999”) barəsində çıxarılan həbs hökmü günlərdir müzakirə olunur. Onun günahsız olduğunu deyənlərlə yanaşı, məhkəmə hökmünü ədalətli sayanlar da var. Artıq bu mövzuda yalnız sosial şəbəkə fenomenləri danışmır, deputatlar, jurnalistlər, hüquq müdafiəçiləri də fikir bildirir.

Əsas diqqət “Arzum”un qəzadan sonra hadisə yerindən qaçmamasına, yol hərəkəti qaydasını kobud şəkildə pozmamasına yönəldilir.

İlfuzə Hacıyeva ilə bağlı ən son məlumat onun azadlığı üçün imza toplanmasıdır. Bildirilir ki, müxtəlif sosial şəbəkə qruplarında yayılan paylaşımlarda vətəndaşlara petisiyanı imzalamaq çağırışı edilir. Paylaşım müəllifləri “Arzum”un haqsız yerə həbs olunduğunu iddia edərək kampaniyaya dəstək istəyiblər.

Oxu24.com Globalinfo.az-a istinadla xatırladır ki, Azərbaycanda imza toplamaq ənənəsi uzun müddət davam edib.

1990-cı və 2000-ci illərin əvvəllərində həbs olunan müxalifətçilərin, jurnalistlərin müdafiəsi üçün imza toplamaq kampaniyaları aparılıb. Daha çox siyasi xarakterli olan bu kampaniyalar vasitəsilə kimlərinsə həbsdən dərhal buraxılması ilə bağlı fakt yoxdur. Bu, daha çox mövzunu gündəmdə saxlamaq və həbs olunan şəxsin ictimai müdafiəsini təşkil etmək üçün atılan addım idi.

Ən kütləvi imzatoplama hadisəsi isə AMİP lideri Etibar Məmmədovla bağlı olub. O, 1990-cı ilin 20 yanvar hadisələrindən sonra Moskvada həbs edilmişdi. E.Məmmədov SSRİ paytaxtında məşhur Lefortovo həbsxanasında saxlanılırdı. Onun azadlığa çıxması üçün Azərbaycanda 2 milyon imza toplanaraq Moskvaya göndərildi. Etibar Məmmədovun həbsdən çıxmasında bu imzatoplama kampaniyasının müəyyən qədər rolu oldu.

“Arzum” Etibar Məmmədov qədər şanslı ola biləcək? Onun müdafiəsi üçün başladılmış petisiya uğurlu yekunlaşacaq? Ən əsası, bu kampaniya məhkəmə hökmünə təsir göstərəcək? Bu sualların cavabının yaxın günlərdə bilinməsi gözlənilir.

Həmçinin oxuyun

Nazir müavini təyin OLUNDU

SON DƏQİQƏ! 1 avqustun havası ilə bağlı XƏBƏRDARLIQ

1 avqustda bizi nələr gözləyir? — ULDUZ FALI

Prezident İlham Əliyev sərəncam imzalayıb