Bir çox ixtisas ixtisar olunacaq, abituriyentlər kənd təsərrüfatı fakültəsinə yönələcək - AÇIQLAMA

CƏMİYYƏT

905

20.05.2026, 23:36

Xəbərlərimizi Google-da izləyin

Yeniliklərdən dərhal xəbərdar olun

Xəbər verdiyimiz kimi, Qarabağ Universitetində kənd təsərrüfatı fakültəsinin binasının tikintisi ilə bağlı hazırlıqlara başlanılıb.

Sözügedən universitetdə belə bir fakültənin açılması aqrar sahədə kadr məsələsinə öz təsirini necə göstərəcək?

Oxu24.com mövzu ilə bağlı Redaktor.az-a danışan təhsil eksperti Ramin Nurəliyev qeyd etdi ki, bu, çox gözəl bir təşəbbüsdür:

"Çünki işğaldan azad olunan torpaqlarımızda kənd təsərrüfatı sahəsində işlərin görülməsi mütləqdir. Bu ərazilərdə kənd təsərrüfatına yararlı torpaqlarımız var və bu istiqamətdə Qarabağ Universitetində də hesab edirəm ki, bu ixtisasların açılması həm Qarabağ Universitetinə müəyyən canlıq qatacaq, həmçinin də kənd təsərrüfatı sahəsində müəyyən bir irəliləyişin olacağından xəbər verir".

Həmsöhbətimizin fikirincə, kənd təsərrüfatı gələcəyə yönəlmiş bir ixtisasdır, çünki süni intellekt artıq yavaş-yavaş bəzi ixtisasları ixtisar edəcəyi üçün ixtisarda olan kadrlar avtomatik kənd təsərrüfatına yönələcək:

"Ona görə də 5-10 il sonra kənd təsərrüfatının çox aktual olacağı, kənd təsərrüfatı sahəsinin canlanacağı ehtimal olunur. Bu da istər-istəməz Azərbaycanda gözəl kadrların formalaşmasına, yaxşı mütəxəssislərin təhsil alıb mütəxəssis kimi kadr çatışmazlığının aradan qaldırılmasına müsbət təsir verəcək və öz töhfəsini verəcək. Qarabağ Universiteti kimi bir universitetdə bu ixtisasların açılması əlbəttə ki, kadr çatışmazlığının müəyyən qədər qarşısını almış olacaq. Mütəxəssis kadrların yetişməsində xüsusi rol oynayacaq".Redaktor.az

Həmçinin oxuyun