Bu müəllimlər sertifikasiya imtahanından birdəfəlik azad edilə bilər - DETALLAR

Azərbaycanda müəllimlərin sertifikasiya prosesi təhsil sistemində keyfiyyətin artırılması baxımından mühüm mexanizmlərdən biri hesab olunur. Müəllimlərin bilik və bacarıqlarının müəyyən aralıqlarla yoxlanılması onların müasir təhsil tələblərinə uyğun fəaliyyət göstərməsini təmin etməyə yönəlib. Lakin son dövrlərdə sertifikasiya imtahanının yalnız müəyyən sayda keçirilməsi və daha sonra müəllimlərin bu prosesdən azad edilməsi məsələsi geniş müzakirələrə səbəb olub.

Bəs müəllimlərin sertifikasiya imtahanından cəmi bir neçə dəfə keçdikdən sonra ömürlük azad edilməsi nə dərəcədə doğru yanaşmadır?

 Oxu24.com bildirir ki  mövzu ilə bağlı KONKRET.az-a açıqlama verən təhsil eksperti Məzahir Məmmədli bildirib ki, dünyada gedən sürətli dəyişikliklər bütün peşələrdə yenilənmə zərurəti yaradır:

“Müəllimlərin hər 5 ildən bir sertifikasiyadan keçirilməsi onların yeni baxışlara, dünya görüşünə və kurikulum tələblərinə nə dərəcədə uyğun tədris apardığını müəyyənləşdirmək məqsədi daşıyır.

Azərbaycanda tətbiq olunan model beynəlxalq təcrübəyə uyğunlaşdırılıb. Xüsusilə Qazaxıstan və Ukrayna modelinə yaxın sistem seçilib.

Bu artıq 3 dəfədən artıq keçiriləndən sonra müəllimlər sertifikasiyadan azad olunurlar. İlkin işə başlayan müəllim 3 dəfə sertifikasiyadan keçirsə, bu təxminən 15 illik staj deməkdir. Həmin təcrübə də ona imkan verir ki, növbəti illərdə sertifikasiya imtahanına girməsin”.

Məzahir Məmmədli vurğulayıb ki, üç dəfə uğurla sertifikasiyadan keçən müəllim artıq öz peşəkarlığını və təhsil sisteminə uyğun bilik səviyyəsini sübut etmiş hesab olunur:

“Dünya təcrübəsində də bu cür yanaşmalar mövcuddur. Qazaxıstan və Ukraynada bu müddət 5 il deyil, 3 ildən bir keçirilir. Azərbaycanda isə interval artırılaraq 5 ilə çatdırılıb.

Mövcud sistem həm müəllimlərin peşəkar inkişafını stimullaşdırır, həm də uzun illər yüksək nəticə göstərən pedaqoqlar üçün əlavə yük yaratmır”.

Həmçinin oxuyun

SON DƏQİQƏ!SOCAR-da işləyənlərə mühüm xəbər:kütləvi ixtisarlarla bağlı...

Güzəştli mənzilləri satışa çıxır  — Ev almaq istəyənlərə ŞAD XƏBƏR

Pensiyalarla bağlı RƏSMİ AÇIQLAMA 

Nazirlər Kabineti yeni qərar verib