Azərbaycanda minimum saatlıq əməkhaqqı tətbiq edilə bilər — Yeni Qərar NƏYİ DƏYİŞƏCƏK?  

Azərbaycanın əmək bazarında yeni iqtisadi modelə keçid prosesi başlayır. Belə ki, yaxın illərdə ölkədə saatlıq minimum əməkhaqqı sisteminin tətbiqi nəzərdə tutulur.

Bu mühüm qərar Nazirlər Kabineti, Azərbaycan Həmkarlar İttifaqları Konfederasiyası və Azərbaycan Respublikası Sahibkarlar (İşəgötürənlər) Təşkilatları Milli Konfederasiyası tərəfindən imzalanmış 2026-2028-ci illər üçün Baş Kollektiv Sazişdə rəsmi şəkildə təsbit olunub.

Mövzu ilə bağlı Oxu24.com-un suallarını cavablandıran biznes konsultant İlkin Mirzəzadə, həm qlobal iqtisadi konyukturanı, həm də bu islahatın daxili bazara mümkün təsirlərini təhlil edib.

Ekspert qeyd edib ki, dünya iqtisadiyyatında baş verən hər bir dalğalanma Azərbaycanın iqtisadi mühitinə də öz təsirini göstərir:

“Yaxın Şərqdəki gərginlik, eyni zamanda ABŞ-da yanacaq üzrə federal vergilərin yenidən tənzimlənməsi və böyük dövlətlərin rəhbərləri arasındakı strateji görüşlər qlobal iqtisadiyyata birbaşa təsir edir. Bu amillər Azərbaycan üçün də istisna deyil. Xüsusilə bu proseslər uzunmüddətli xarakter alarsa, ölkə iqtisadiyyatı üçün müəyyən çətinliklər yarada bilər. Qlobal inflyasiyanın artması fonunda ölkədaxili inflyasiya təzyiqlərinin güclənməsi ehtimalı kifayət qədər yüksəkdir”.

İlkin Mirzəzadə vurğulayıb ki, iqtisadi islahatların uğuru həm də regiondakı sabitlikdən asılıdır:

“Qonşu İranda cərəyan edən hadisələr Azərbaycan üçün arzuolunan deyil. Regional inkişafın və milli iqtisadi tərəqqinin fundamental təməli məhz sabitlikdir. Ölkəmizin əsas strateji hədəflərindən biri regionda stabilliyin təmin olunmasıdır, çünki bu, birbaşa investisiya mühitinə və iqtisadi artıma təsir edi.

Yeni saatlıq əməkhaqqı sisteminə keçid məsələsinə toxunan ekspert bildirib ki, bu islahat kiçik və orta sahibkarlıq (KOB) subyektləri üçün yeni maliyyə və idarəetmə mexanizmlərinin qurulmasını zəruri edir. Sahibkarlar əmək məhsuldarlığını artırmalı və inflyasiya risklərini nəzərə alaraq büdcə planlamasını yenidən qurmalıdırlar.

Çimnaz Telmanqızı

Həmçinin oxuyun

İran ilk dəfə Əli Xameneinin ölümü ilə bağlı həmin detalı AÇIQLADI

SON DƏQİQƏ! DİN əməliyyat keçirib:Bayramzadə və Mailov tutuldular

Hicran Hüseynova vəfat etdi  

5 iyunda bizi nələr gözləyir? — ULDUZ FALI