İşə düzəltmə xidmətləri qanunidir? — AÇIQLAMA 

İşə düzəltmə xidmətləri son illərdə daha çox müraciət olunan sahələrdən birinə çevrilib. Bu cür xidmətlərə qanunvericilikdə birbaşa qadağa yoxdur və onlar ümumi hüquqi çərçivədə fəaliyyət göstərə bilirlər. Lakin bu fəaliyyətin şəffaf və qanuni şəkildə həyata keçirilməsi mühüm şərt sayılır. Tərəflər arasındakı münasibətlər əsasən bağlanan müqavilə ilə tənzimlənir.

 Oxu24.com xəbər verir ki məsələ ilə bağlı vəkil Əkrəm Həsənov Demokrat.az-a bildirib ki, qanunvericiliyə əsasən, qanunla qadağan edilməyən istənilən fəaliyyət həyata keçirilə bilər:

"İşə düzəltmə xidmətlərinin göstərilməsi də qanunla qadağan edilmir və bu xidmətlər qanuni çərçivədə təqdim oluna bilər. Lakin belə fəaliyyətlə məşğul olan şəxslər mütləq sahibkarlıq subyekti kimi qeydiyyatdan keçməli və vergi öhdəliklərini yerinə yetirməlidirlər. İşə düzəltmə xidmətlərinin konkret qaydaları qanunla detallı şəkildə tənzimlənmir, bu səbəbdən tərəflər arasındakı münasibətlər əsasən bağlanılan müqavilə ilə müəyyən olunur. Yəni vətəndaş işə düzəltmə xidmətindən istifadə etmək istəyirsə, xidmət göstərən tərəflə rəsmi müqavilə bağlanmalı və bütün şərtlər həmin sənəddə açıq şəkildə göstərilməlidir".

Vəkil deyib ki, müqavilədə xidmətin həcmi, görüləcək işlər, ödənişin miqdarı və şərtləri, eləcə də nəticəyə dair öhdəliklər konkret şəkildə qeyd olunmalıdır:

"Məsələn, tərəflər razılaşa bilər ki, xidmət göstərən şəxs işə düzəltmə prosesini təşkil edir, sənədləşməni həyata keçirir və müraciətləri təqdim edir, lakin nəticə əldə olunmasa ödəniş geri qaytarılmır. Alternativ olaraq isə müəyyən hallarda ödənişin qismən və ya tam geri qaytarılması da şərt kimi qoyula bilər. Ümumilikdə, əsas məsələ odur ki, belə xidmətlərdən istifadə edən şəxslər mütləq müqavilə tələb etməli, şərtləri diqqətlə oxumalı və yalnız razı olduqları halda razılaşma imzalamalıdırlar" 

,- deyə o bildirib.

Həmçinin oxuyun

Ceyhun Bayramov Rusiyaya rəsmi səfərə yola düşüb

Bakıda güclü yanğın:FHN açıqlama yaydı

Pensiyalar 9,3 faiz indeksləşdirilərək artırılıb  —  RƏSMİ AÇIQLAMA

SON DƏQİQƏ! Milli Məclis mühüm qərarlar qəbul edib