Rusiyanın gizli "Zəngəzur" planı ortaya çıxdı - Putin istəyir ki...  

Rusiya Xarici İşlər Nazirliyinin rəsmisi Mixail Kaluqinin Cənubi Qafqazın Rusiya üçün "həyati əhəmiyyətli" bölgə olması və Moskvanın burada "sülh kəməri" yaratmaq istəyi barədə bəyanatları, əslində Kremlin regiondakı təsir rıçaqlarını qoruyub saxlamaq cəhdlərinin növbəti təzahürüdür. Diplomatın Moskvanı sadəcə qonşu deyil, həm də "Qafqaz gücü" kimi xarakterizə etməsi Rusiyanın bölgəni hələ də özünün "arxa bağçası" və müstəsna maraq dairəsi hesab etdiyini açıq şəkildə büruzə verir. Xüsusilə 2020-2022-ci illərin üçtərəfli bəyanatlarına edilən vurğu və onların hələ də "yol xəritəsi" kimi təqdim olunması, Moskvanın Bakı və İrəvan arasındakı birbaşa sülh danışıqlarında öz vasitəçilik inhisarını bərpa etmək istəyindən xəbər verir.

Oxu24.com xəbər verir  ki,məsələ ilə bağlı NOCOMMENT.az-a danışan professor, politoloq Qabil Hüseynli qeyd edib ki, rusiyalı diplomatın bu açıqlamaları bölgədəki yeni reallıqları görməzdən gəlmək cəhdidir: "Kaluqinin sülh və çiçəklənmə barədə ritorikası əslində Rusiyanın regiondan sıxışdırılıb çıxarılması prosesinə qarşı bir reaksiyadır. Moskva anlamalıdır ki, Cənubi Qafqazda artıq 2020-ci ilin noyabrındakı şərtlər yoxdur; Azərbaycan öz ərazi bütövlüyünü tam bərpa edib və regionda yeni güc balansı formalaşdırıb. Rusiyanın hələ də köhnə üçtərəfli bəyanatları 'yol xəritəsi' kimi sırımağa çalışması, əslində Bakı və İrəvanın vasitəçisiz, birbaşa əldə etdiyi uğurlara (məsələn, sərhədlərin delimitasiyası prosesinə) kölgə salmaq məqsədi daşıyır. Rusiya bölgədə 'sabitlik' deyərkən, özünün hərbi-siyasi nəzarəti altında olan bir status-kvonu nəzərdə tutur".

Onun sözlərinə görə, Moskvanın "iqtisadi potensialın açılması" və "blokadaların aradan qaldırılması" vədləri də şəxsi maraqlara xidmət edir: "Rusiya istəyir ki, regiondakı nəqliyyat dəhlizləri, xüsusilə Zəngəzur dəhlizi məhz onun FTX-nin nəzarəti altında olsun. Bu, 'iqtisadi sərbəstlik' deyil, iqtisadi asılılığın yeni formasıdır. Kaluqinin 'Cənubi Qafqaz iqtisadiyyatı sərbəst nəfəs alsın' ifadəsi reallıqda 'region iqtisadiyyatı Rusiya vasitəsilə nəfəs alsın' deməkdir. Azərbaycan isə artıq öz enerji və nəqliyyat layihələri ilə müstəqil aktor olduğunu sübut edib. Moskvanın 'yol xəritəsi' artıq arxivə çevrilib; indi əsas xəritə Bakı və İrəvanın beynəlxalq hüquq normaları çərçivəsində, kənar müdaxilə olmadan razılaşdırdığı prinsiplərdir".

Politoloq vurğulayıb ki, Rusiyanın bu cür bəyanatları həm də Ermənistana bir xəbərdarlıq, Azərbaycana isə "mən buradayam" mesajıdır: "Moskva Ermənistanın Qərblə yaxınlaşmasını və Azərbaycanın müstəqil siyasətini özünün 'həyati maraqlarına' təhdid kimi görür. Diplomatiya dilində 'Qafqaz gücü' ifadəsinin işlədilməsi region dövlətlərinin suverenliyinə hörmətsizlik kimi də qiymətləndirilə bilər. Azərbaycan heç bir kənar gücün, o cümlədən Rusiyanın burada öz 'arxitekturasını' qurmasına ehtiyac duymur. Sülh prosesi artıq Rusiya vasitəçiliyindən kənarda daha effektiv şəkildə irəliləyir. Kremlin bu 'isti' açıqlamaları əslində itirilmiş mövqeləri diplomatik manevrlərlə geri qaytarmaq cəhdindən başqa bir şey deyil".

Həmçinin oxuyun

Bu şəxslərə maaş yeni qayda ilə VERİLƏCƏK 

SON DƏQİQƏ! Yüksək vəzifəyə təyinat oldu

Pensiyalar verildi

Deputatdan bu şəxslərin pensiyaları ilə  bağlı AÇIQLAMA: 6 aylıq maaş həcmində...