60 yaşdan yuxarı olanlara ŞAD XƏBƏR: İşdən çıxarılmaq QADAĞAN EDİLİR?

Milli Məclisdə 60 yaşdan yuxarı vətəndaşların əmək hüquqları ilə bağlı yeni təşəbbüs müzakirə olunub. Təklifə əsasən, bu yaş kateqoriyasına aid şəxslərin əmək müqaviləsinin ləğvinə məhdudiyyət qoyulması nəzərdə tutulur.

Məsələ parlamentin İnsan hüquqları komitəsinin iclasında İnsan hüquqları üzrə müvəkkilin (Ombudsmanın) 2025-ci il üzrə məruzəsi çərçivəsində gündəmə gətirilib.

Sənəddə bildirilib ki, 60 yaşdan yuxarı işçilərin Əmək Məcəlləsində əmək müqaviləsinə xitam verilməsi qadağan edilən şəxslər siyahısına daxil edilməsi məqsədəuyğun hesab olunur.

Məsələ ilə bağlı Liberal İqtisadçılar Mərkəzinin sədri Akif Nəsirli  Oxu24.com-un suallarına aydınlıq gətirib.

-60 yaşdan yuxarı şəxslərin əmək müqaviləsinin ləğvinin qadağan edilməsi əmək bazarına necə təsir göstərə bilər?

-60 yaşdan yuxarı işçilərin əmək müqavilələrinin ləğvinin qadağan edilməsi əmək bazarında sabitliyi təmin edə və yaşlı işçilərin iş yerlərini qorumağa kömək edə bilər. Bu, xüsusilə uzunmüddətli təcrübəyə malik işçilərin itirilməsinin qarşısını alır və iş yerlərində bilik və bacarıqların qorunmasına şərait yaradır.

-Bu qərar gənclərin məşğulluq imkanlarını məhdudlaşdıra bilərmi?

-Belə bir qadağa gənclərin məşğulluq imkanlarına təsir göstərə bilər. Əgər yaşlı işçilər uzun müddət işdə qalarsa, bəzi vəzifələr və yüksəliş imkanları gənc işçilər üçün daha məhdud ola bilər. Bu, yeni kadrların iş təcrübəsi qazanmasını və karyera inkişafını gecikdirə bilər.

-Azərbaycanda 60+ yaş qrupunun əmək bazarında payı nə qədərdir və tendensiya necədir?

-Azərbaycanda 60 yaşdan yuxarı şəxslərin əmək bazarında payı nisbətən azdır və tədricən yaşlanma ilə bağlı artır, amma əsas işçi qüvvəsi hələ də 25–59 yaş qrupundan ibarətdir. Bu yaş qrupunun əmək bazarında payı təxminən 10–12% civarındadır və son illərdə tədricən artma tendensiyası müşahidə olunur.

-Yaşlı işçilərin əmək bazarında saxlanılması məhsuldarlığa necə təsir göstərə bilər?

-Yaşlı işçilərin əmək bazarında saxlanılması məhsuldarlığa qarışıq təsir göstərə bilər. Onların təcrübəsi, peşəkarlığı və bilikləri iş prosesini sabitləşdirir və yeni işçilərin yetişməsinə dəstək olur. Eyni zamanda, bəzi sahələrdə fiziki və texnoloji dəyişikliklərə adaptasiya məsələsi məhsuldarlığı müəyyən qədər məhdudlaşdıra bilər. Ümumilikdə, düzgün idarə olunan bir əmək mühiti bu qrupun faydalı tərəflərini maksimuma çıxara bilər.

Çimnaz Telmanqızı

Həmçinin oxuyun

Bakıdan Tiflisə gedən qatarla bağlı gözlənilən RƏSMİ XƏBƏR AÇIQLANDI

Şad xəbər: Quru sərhədlər açılır - Ekspert

Bu rayonlarda yaşayanlara XƏBƏRDARLIQ! Qar yağacaq,sel gözlənilir

Prezident onu təltif etdi -SƏRƏNCAM