“Qarabağı könüllü tərk edən ermənilərlə, Ermənistan vətəndaşları arasında uçurum dərinləşir” -Ermənişünas alimdən şok məlumat  

“Əslən Qərbi Azərbaycandan olan Rusiya vətəndaşı Rövşən Əhmədovun indiki Ermənistan ərazisini, xüsusən də doğma  dədə-baba yurdu olan Amasiya vilayətini gəzməsi, köhnə yurd yerlərindən video çəkməsi və paylaşımlar etməsi bəzi erməni siyasətçiləri bərk narahat edib”.

Bu fikirləri Bakı Dövlət Universitetinin Erməni Araşdırmaları və Təlim Mərkəzinin direktoru, ermənişünas ailm İsmayıl Tanrıverdi Oxu24.com-a danışıb.

Həmçinin oxuyun

Trampın iştirak etdiyi tədbirdə atəş açan şəxsin kimliyi məlum olub

Azərbaycan Prezidenti: Vaşinqtonda atışma məni dərindən sarsıtdı, zorakılıq qəti şəkildə pislənməlidir

Azərbaycan və Ukrayna arasında 6 sənəd imzalanıb

Pulunu dollarlarla saxlayanlara şad xəbər 

O, bildirib ki, "Bizim Yolumuz" hərəkatının üzvü Alik Aleksanyan sosial şəbəkədə çıxışı zamanı şəhəri "kənd" kimi təqdim edərkən yaranan tənqidlərə cavab verərkən  “qaçqın” soydaşlarını qınaq atəşinə tutub. Erməni siyasətçi onları qınayıb ki, azərbaycanlıların Amasiyaya gəlməsini niyə sükutla qarşılayıblar:

”"Azərbaycanlılar paytaxtın mərkəzinə gəlib video çəkirlər, amma sizin əzizləriniz( Qarabağı tərk edib gələnlər nəzərdə tutulur-red İ.T.) gizləndikləri yerlərdən çıxmırlar, niyə səsinizi çıxarmadınız? Səsinizi çıxarın", - deyə o bildirib.

Qarabağı könüllü tərk edən fotoqraf David Qahramanyan  Alik Aleksanyana cavab verib. O, bildirib ki,  siz (Ermənistan vətəndaşları- red-İ.T.) Qarabağa  yeməklərdən həzz almaq, Xankəndi, Ağdam və Şuşada gəzmək, şəkil çəkdirmək və "vətənlərində" olduqlarını bildirmək üçün gəldiniz:”Ona görə də Artsaxa (Red-ermənilər Qarabağı qondarma adla belə adlandırırdı) gəlin, yeyin-için, Stepanakertdə(Red-Xankəndi), Aknada(Ağdam), Şuşidə (Şuşa) şəkil çəkdirin, "vətənimizdə" olduğumuzu bəyan edin və sonra həmin vətəni inkar edin! Çətin anlarda vətənlərini tərk edənlərə dəstək olmayın, amma insanlar təsadüfən bir şəhəri danışıqda kənd adlandıranda, onu bədbəxt adlandırın. Siz vətənsiz, prinsipsiz və ləyaqətsizsiniz", - deyə o bildirib.

İ. Tanrıverdi qeyd edib ki, yerli Ermənistan vətəndaşları ilə Qarabağı könüllü tərk edən  ermənilər arasında gərginlik  2020-ci ildən etibarən başlayıb və hazırda pik həddə çatıb.  Hətta bu günlərdə İrəvanın mərkəzində sərnişin marşrutunda belə bir hadisə baş verdi.  Qarabağdan könüllü  köçən erməni ailə təhqir edildi  və sonra avtobusdan  düşürüldü. 

Əntiqə Rəşid