Küçədən hər hansı bir  əşya tapan şəxs onu özünə götürə bilərmi?   —   Vəkildən müham açıqlama   

Bəzən yol gedərkən hər hansı bir əşya tapırıq.Bu  əşya qiymətli,yaxud sadə bir əşya ola bilər. Bəs,əşya tapan şəxs hansı addım atmalıdır?Bunu özünə götürməlidir,yaxud sahibinə qaytarmalıdır?Bu dəfə bu suallar ətrafında araşdırma apardıq.

Mövzu ilə bağlı Oxu24.com -a   danışan vəkil Şəms Mirzəyeva  bildirib ki, Qanunverciliyin  tələblərinə uyğun olaraq hər  hansı bir əşyanı  tapan şəxs ilk  növbədə  polis əməkdaşlarına və  əşyanın  sahibinə, mülkiyyətçiyə  məlumat verməlidir. Sonuncu hal mülkiyyətçinin məlum olduğu zaman atılan addımdır. Yəni,əşyanı  tapan şəxs onun kimə məxsus olduğunu bilirsə,mütləq sahibinə  məlumat  verməlidir.

Fotoda vəkil Şəms Mirzəyeva 

Bəs,mülkiyyətçi məlum olmadıqda tapılan əşyanın taleyi necə həll olur? 

Mövu ilə bağlı danışan vəkil Şəms Mirzəyeva bildirib ki, əşyanı  tapan şəxs onun kimə məxsus olduğunu bilmirsə,bu zaman  əşyanın tapılmasından 1 il  keçdikdən sonra  onu tapan şəxs  mülkiyyət hüququ əldə edir. 1 il müddəti keçdikdən sonra əşyanı tapan şəxs onun üzərində mülkiyyət hüququ əldə etdikdən sonra,əşyanın əvvəlki,əsl sahibi həmin əşya üzərindəki mülkiyyət hüququnu itirir.

Əşyanı tapan şəxs sahibindən pul istəyə bilərmi?

Sual ətrafında danışan vəkil Şəms  Mirzəyeva qeyd edib ki, bu hal qanunda mövcuddur.

Əşyanı tapan şəxs  həmin əşyanın dəyərinin 5 faizinə qədər miqdarda əşyanın sahibindən  bəxşiş tələb edə bilər. Həmçinin,əşyanın saxlanması üçün xərc çəkilmişdirsə,mövcud xərcləri də əşyanın sahibindən istəyə bilər.

Əgər,əşyanı tapan şəxs həmin vaxt əşyanı gizlətmişdisə,bu zaman bəxşiş tələb etmək hüququ yoxdur.

Həmçinin oxuyun

Azərbaycanda iş yerləri ilə bağlı statistika: Paytaxt və region fərqi  

Azərbaycanda bu şəxslərin maaşları 35 faiz artacaq 

Bu halda pensiyanız KƏSİLƏCƏK -DİQQƏT!  

DİN əməliyyat keçirib: Bakıda tutulan 20 yaşlı oğlanın şok əməlləri üzə çıxdı   —    VİDEO

Tapılan əşyadan imtina edilərsə,bu məsələ  necə həll olunur?

Vəkilin sözlərinə görə,əşyanı tapan şəxs ondan imtina edərsə,tapılan əşya müvafiq dövlət orqanları tərəfində auksionda satılır və fayda götürülür.Əgər,əşyanın qiyməti azdırsa,bu halda tapılan əşya pulsuz özgəninkiləşdirilir,yaxud məhv edilir.Əgər,tapılan əşya tez xarab olandırsa,yaxud, canlıdırsa,onu saxlamaq  maliyyə tələb edirsə,bu halda 1 il müddəti gözlənilmir.Tapılan əşya özgəninkiləşdirilir və əldə olunan gəlir mülkiyyətçiyə qaytarılır.

Daha çox hüquqi sahədə məlumat əldə etmək üçün sizə digər faydalı linkləri də təklif edirik:

Bunu edənlər ölkədən çıxa bilməyəcək  - Hüquqşünas  AÇIQLADI

Hazırladı: Miri Məcidli