Azərbaycanda fahişəliklə məşğul olanları BU CƏZA GÖZLƏYİR    —     HÜQUQ

Oxu24.com oxuculara hüquqi yardım layihəsini davam etdirir.

Bu dəfə təqdim etdiyimiz mövzu fahişəliklə məşğul olan şəxsin cərimə olunması ilə bağlıdır.

Fahişəliklə məşğul olan şəxs nə qədər cərimə oluna bilər?

Belə ki, İnzibati Xətalar Məcəlləsinin  524-cü maddəsinə görə,fahişəliklə məşğul olan şəxs  inzibati  qaydada  100 AZN məbləğində cərimə olunur.

Qeyd olunan  cərimə  protokol  şəklində  tərtib edilir  və  şəxs tərəfindən  bank,poçt  və  digər  ödəniş  üsulları  vasitəsi ilə  ödənilir.

Qeyd  edək ki,bu maddədə  yalnız  tək halda  müştərilərə  intim  xidmət  göstərən  şəxslərə  şamil  olunur.Başqa  bir  şəxsin  fahişəliyə  cəlb edilməsi,onun pul müqabilində  intim  əlaqəyə  cəlb  edilməsi  daha  ağır  cinayət  hesab  olunur.Bu artıq  Cinayət  Məcəlləsində  insan  alveri  kimi  qeyd  olunur.

Azərbaycan Respublikasının Cinayət Məcəlləsinin 144-1. maddəsinə əsasən İnsan alveri, yəni zor tətbiq etmək hədəsi ilə və ya zor tətbiq etməklə, hədə-qorxu və ya digər məcburetmə vasitələri ilə, oğurlama, dələduzluq, aldatma yolu ilə, təsir imkanlarından və ya zəiflik vəziyyətindən sui-istifadə etməklə, yaxud digər şəxsə nəzarət edən şəxsin razılığının alınması üçün maddi və sair nemətlər, imtiyazlar və ya güzəştlər verməklə və ya almaqla, şəxsin istismar edilməsi məqsədi iləcəlb edilməsi, əldə edilməsi, saxlanılması, gizlədilməsi, daşınması, verilməsi və ya qəbul edilməsi beş ildən on ilədək müddətə azadlıqdan məhrum etmə ilə cəzalandırılır.

Həmçinin oxuyun

Professor Nərgiz Paşayeva üçün özəl gün: Həyatı,ailəsi,yaradıcılığı haqqında MARAQLI FAKTLAR  

SON DƏQİQƏ! General bu vəzifəyə təyin olundu

İki  keçmiş nazirlə bağlı ŞOK AÇIQLAMA: Ramiz Mehdiyevə qarşı....

Tanınmış müğənninin qızı HƏBS EDİLDİ

Eyni əməllər:

144-1.2.1. İki və ya daha çox şəxs barəsində törədildikdə;

144-1.2.3. yetkinlik yaşına çatmayan şəxs barəsində törədildikdə;

144-1.2.4. təqsirkar şəxs üçün aşkar surətdə hamilə vəziyyətində olan qadın barəsində törədildikdə;

144-1.2.4-1. insan alveri qurbanını Azərbaycan Respublikasının dövlət sərhədindən keçirməklə törədildikdə;

144-1.2.5. qabaqcadan əlbir olan bir qrup şəxs, mütəşəkkil dəstə və ya cinayətkar birlik (cinayətkar təşkilat) tərəfindən törədildikdə;

144-1.2.6. təqsirkar şəxs tərəfindən öz qulluq mövqeyindən istifadə etməklə törədildikdə;

144-1.2.7. həyat və sağlamlıq üçün təhlükəli olan zor tətbiq etməklə və ya belə zor tətbiq etmək hədəsi ilə törədildikdə;

144-1.2.8. zərərçəkmiş şəxsə işgəncə verməklə və ya onunla qəddar, qeyri-insani, yaxud onun ləyaqətini alçaldan rəftar etməklə törədildikdə;

144-1.2.9. zərərçəkmiş şəxsin orqanlarından və ya toxumalarından istifadə etmək məqsədilə törədildikdə -

səkkiz ildən on iki ilədək müddətə azadlıqdan məhrum etmə ilə cəzalandırılır.

144-1.3. Bu məcəllənin 144-1.1 və 144-1.2-ci maddələrində göstərilən əməllər ehtiyatsızlıqdan zərərçəkmiş şəxsin ölümünə və ya digər ağır nəticələrə səbəb olduqda on ildən on beş ilədək müddətə azadlıqdan məhrum etmə ilə cəzalandırılır.

Qeyd  edək  ki, Azərbaycan Respublikasının “İnsan alverinə qarşı mübarizə haqqında” 28 iyun 2005-ci il tarixli 958-IIQ nömrəli Qanununun 8-ci maddəsinə əsasən Daxili İşlər Nazirliyinin İnsan Alverinə qarşı Mübarizə Baş İdarəsi yaradılıb.

Daxili İşlər Nazirliyinin İnsan Alverinə qarşı Mübarizə Baş İdarəsi insan alveri qurbanlarının müəyyən edilməsi və müdafiə edilməsi ilə yanaşı, həmçinin insan alveri ilə bağlı cinayətlər üzrə səlahiyyətləri daxilində əməliyyat-axtarış fəaliyyətini və cinayət təqibini həyata keçirir. Baş İdarə birbaşa İnsan alverinə qarşı mübarizə üzrə Milli Koordinatora tabedir.Daxili işlər nazirinin birinci müavini, polis general-mayoru Seyfulla Əzimov İnsan Alverinə Qarşı Mübarizə üzrə Milli Koordinatordur.Qeyd olunan idarə  kifayət  qədər işlər görüb.2024-cü ilin açıqlanan statistikasına  görə,həmin ildə  insan alveri  üzrə 161  cinayət faktı qeydə  alınıb.

Məlumat üçün  qeyd edək  ki,  bu  kimi  hallarla  rastlaşan  şəxslər   (+99412) 590-20-49  şəhər  nömrəsinə  və  152  qaynar xətt nömrəsinə  xəbər  verə  bilərlər.

Miri Məcidli