İnfarkt yaşı 10 il gəncləşdi: Səbəblər NƏDİR?  

Son zamanlar sosial şəbəkələrdə gənc yaşda ani infarkt və ölüm xəbərləri ilə tez-tez qarşılaşmaq cəmiyyətdə ciddi narahatlıq doğurur. Əvvəllər daha çox orta və yaşlı nəsildə təsadüf olunan ürək tutmaları artıq gənclər arasında da kütləviləşməyə başlayıb. Aparılan son beynəlxalq elmi tədqiqatlar da infarkt riskinin yaş həddinin kəskin şəkildə aşağı düşdüyünü rəsmən sübut edir. Müasir dövrün gətirdiyi qeyri-sağlam yaşam tərzi və zərərli vərdişlər gənclərin ürək-damar sistemini birbaşa hədəfə alır. Eyni zamanda, statistik göstəricilər infarktın xüsusilə qadınlar arasında sürətlə artma tendensiyasına malik olduğunu diqqətə çatdırır. Bu təhlükəli tendensiyanın yaranma səbəblərini və fəsadlarını mütəxəssis rəyi ilə təqdim edirik.

Oxu24.com xəbər verir ki, beynəlxalq tədqiqatların nəticələri acınacaqlı reallığı ortaya qoyur:

•1990–2000-ci illərdə: İnsanlarda ilk infarkt keçirmə yaşı orta hesabla 55–60 yaş təşkil edirdi.

•2010–2020-ci illərdə: Bu göstərici kəskin şəkildə aşağı düşərək 45–50 yaşa enib.

Gənclərdə infarkta səbəb olan 4 əsas risk amili

Gənc yaşda ürək damarlarının tutulmasına və infarkta yol açan başlıca səbəblər bunlardır:

1.Zərərli vərdişlər: Ənənəvi siqaretlə yanaşı, nargilə və elektron siqaretlərin kütləvi istifadəsi.

2.Piyənmə və metabolik pozuntular: Çəki artımı və orqanizmdə insulin direncinin (müqavimətinin) yaranması.

3.Hərəkətsizlik: Fiziki aktivliyin olmaması və oturaq həyat tərzi.

4.Psixoloji və fiziki gərginlik: Xroniki stres, yorğunluq və yuxusuzluq.

Qadınlar arasında infarkt göstəricisi niyə artır?

Araşdırmanın digər maraqlı məqamı kişilərdə infarkt göstəricisinin nisbətən sabit qalması, qadınlarda isə kəskin artmasıdır:

-Xanımlar arasında siqaret və elektron siqaret istifadəsinin nəzərəçarpan dərəcədə artması.

-Qadınların xolesterin düşürücü dərmanlardan yayınması və profilaktik müalicədən qaçması.

Müsbət tərəfi nədir?

Mənfi mənzərəyə baxmayaraq, elm və texnologiyanın inkişafı sayəsində dünyada ümumi insan ömrü uzanır. Əgər vətəndaşlar vaxtında həkimə müraciət edər, müasir tibbi texnologiyalardan istifadə edərək profilaktik müayinələrdən keçərlərsə, bir çox ağır xəstəliklərin qarşısını almaq və infarktdan ölüm riskini minimuma endirmək mümkündür.

Həmçinin oxuyun

Bakıda yaşayanlara xəbərdarlıq:9 günlük qadağa gecədən qüvvəyə mindi

Masaj salonunda əməliyyat: Xeyli sayda fahişə tutuldu

SENSASİYA! Mehdiyevi həmin ermənilərlə nə birləşdirir - Elə faktlar açıldı ki...

Əhalinin nəzərinə: Gecikənlər əlavə pul ödəyəcək