Süd vəzi xəstəliklərinin müayinəsində düzgün metodların seçilməsi — AÇIQLAMA  

Süd vəzi müayinəsi multimodal müayinə olub, xəstənin yaşından, şikayətlərindən və ortaya çıxan klinik tapıntılardan asılı olaraq seçilir. 15-18 yaşından 30-35 yaşa qədər olan gənc xanımlarda heç bir şikayət olmadan ilkin olaraq ultrasəs müayinəsi (USM) həyata keçirilir. 35-40 yaşından etibarən ilkin olaraq mammoqrafiya müayinəsi keçirilir, ehtiyac yaranarsa köməkçi müayinə olaraq USM-dən istifadə olunur. Gənc xanımlarda süd vəzi toxumasının sıxlığı çox olduğuna görə mammoqrafiyanın informativliyi aşağı olur və bu səbəbdən USM-ə üstünlük verilir. Hamilə və süd verən qadınlarda da ultrasəs müayinəsindən istifadə edilir. Diaqnoz Tibb Mərkəzinin həkim-radioloqu Dr. Könül Məmmədova süd vəzi xəstəliklərinin müayinə metodları və onların düzgün seçilməsi barədə vacib açıqlamalar verib.

Onun sözlərinə görə, toxuma sıxlığı yüksək olan (C və D kateqoriyalı) 40-50 yaşlı xanımlarda əlavə məlumat əldə etmək üçün MRT müayinəsinə də ehtiyac yarana bilər:

”MRT müayinəsi rutin müayinə metodu deyildir və yalnız müəyyən göstərişlər əsasında müayinə zamanı təyin olunur.

Genetik olaraq ana tərəfindən və ya birinci dərəcəli ana qohumlarında süd vəzi xəstəlikləri müşahidə olunan xanımlar daha çox risk daşıyır.

Risk daşıyan həmin xanımlarda mammoqrafiya müayinəsinə daha erkən — 30 yaşından etibarən başlanmalıdır”.

K.Məmmədova qeyd edib ki, xəstələr bəzən yalnız ağrıyan süd vəzini yoxlatmaq istəsələr də, bu yanaşma tamamilə yanlışdır. Süd vəzi qoşa orqandır və müayinəyə gələrkən hər iki süd vəzi simmetrik şəkildə yoxlanılmalıdır:

“Təcrübədə ağrı olmayan qarşı süd vəzisində erkən mərhələdə süd vəzi xərçəngi aşkarlanan hallar mövcuddur”.

“Süd vəzi xərçəngi yaş tanımır, buna görə də illik müayinələr vaxtında və silsilə şəklində aparılmalıdır. Erkən diaqnoz həyat qurtarır və vaxtında aşkar olunan xəstəliklər 99-100% müalicə zəmanəti verir”,- deyə həkim əlavə edib.

Həmçinin oxuyun

23 milyon manata yaxın pul ayrılacaq

16 yaşlı qız kiçik bacısını qətlə yetirdi — Azərbaycanda qandonduran CİNAYƏT

Nazirlik əhaliyə müraciət etdi

DİN əməliyyat keçirib:43 nəfər saxlanılıb