Axşam çox yemək ürəyə təsir edə bilərmi?   

Axşam saatlarında ağır və həddindən artıq qida qəbulu orqanizmdə bir sıra fizioloji dəyişikliklər yarada bilər.

Kardioloq-terapevt İslam Əzizov Oxu24.com-a açıqlamasında bildirib ki, bu hal xüsusilə ürək-damar sistemi həssas olan insanlarda daha çox narahatlıq yarada bilər.

Onun sözlərinə görə, insan çox miqdarda qida qəbul etdikdə mədə həzmi təmin etmək üçün daha intensiv işləməyə başlayır. Bu proses zamanı həzm orqanlarına daha çox qan axını tələb olunur ki, bu da ürəyin iş yükünü artırır və bəzi hallarda ürəkdöyünmə, yorğunluq və ümumi narahatlıq hissi ilə müşahidə oluna bilər.

İslam Əzizov qeyd edib ki, mədənin həddindən artıq dolması diafraqmaya təzyiq göstərir. Bu isə döş qəfəsində sıxılma hissi yarada, ağciyərlərin normal genişlənməsini çətinləşdirə və nəticədə nəfəs darlığı və təngnəfəsliklə özünü göstərə bilər.

Bundan başqa, həkimin sözlərinə görə, ağır yeməklər vagus sinirini də qıcıqlandıra bilər ki, bu da ürək ritmində dəyişikliklərə səbəb ola bilər. Eyni zamanda gec saatlarda çox yemək reflüks riskini artırır və mədə turşusunun qida borusuna qayıtması nəticəsində sinə nahiyəsində yanğı hissi yarana bilər ki, bu hal çox vaxt ürək ağrısı ilə qarışdırılır.

Kardioloq bildirir ki, yatmazdan əvvəl ağır qidaların qəbulu gecə narahatlığı, boğulma hissi və yuxu pozğunluqları ilə nəticələnə bilər. Bu səbəbdən axşam yeməyinin yüngül olması və yatmazdan ən az 3-4 saat əvvəl qəbul edilməsi tövsiyə olunur.

İslam Əzizov vurğulayıb ki, xüsusilə duzlu və yağlı qidaların axşam saatlarında çox istifadəsi ürək-damar sistemi üçün əlavə risk yarada bilər. Eyni zamanda maye qəbulunun da normada saxlanılması vacib hesab olunur.

Onun sözlərinə görə, əgər yeməkdən sonra sinə nahiyəsində yanğı, təngnəfəslik, ürəkdöyünmə, soyuq tər və başgicəllənmə kimi əlamətlər müşahidə edilərsə, bu hallara laqeyd yanaşmaq olmaz və mütləq həkimə müraciət edilməlidir.

Jalə

Həmçinin oxuyun

TƏCİLİ! Prezident onların səlahiyyətini artırdı — FƏRMAN

Prezident mühüm Fərman İMZALADI: Sentyabrın 1-dən qüvvəyə minir

SON DƏQİQƏ!Məhkəmə Afət Fərmanqızı barədə QƏRAR VERDİ  

Azərbaycanda bu qadağan edilir? — Ekpertlər detalları AÇIQLADI