Haşimoto xəstəliyi zamanı vitaminlər necə qəbul edilməlidir?

TİBB

917

19.03.2026, 13:23

Haşimoto xəstəliyi autoimmun adlanan xəstəliklər qrupuna aiddir.Adətən bir çox xəstənin heç bir şikayəti olmur. Bəzi xəstələrdə vəzi hipoplaziyaya uğrayır (kiçik zob) bunun nəticəsi olaraq tənbəl zobun simptomları üzə çıxır. Xəstələr xəstəliyin gedişindən asılı olaraq, fərqli səbəblərlə həkimə müraciət edə bilərlər.

Bəs,bu xəstəlik zamanı vitaminlər necə qəbul edilməlidir?

Mövzu ilə bağlı Oxu24.com-a danışan Tibb elmləri namizədi,Endokrinoloq Oktay Hüseynov bildirib ki,vitaminlərin qəbulu həkim təyinatı ilə olmalıdır.

Haşimoto və vitaminlər: hansını, nə vaxt?

Vitamin D

Haşimoto olan xəstələrdə D vitamini çatışmazlığı çox rast gəlinir. Aşağı səviyyə immun balansı daha da poza bilər. Amma dozanı analizsiz artırmaq düzgün deyil. Əvvəl baxırıq, sonra qərar veririk.

Selen

Selen anti-TPO səviyyəsini bir qədər azalda və immun sistemi tarazlaya bilər. Xüsusən çatışmazlıq varsa faydalıdır. Amma yüksək doza toksik ola bilər. Burada “az, amma yerində” prinsipi işləyir.

Həmçinin oxuyun

Hansı şəxslərə avtomatlaşdırılmış qaydada əlilliyə görə əmək pensiyası təyin edilir?

Azərbaycanda pulsuz evlər kimlərə verilir? — ALMAQ QAYDASI

Azərbaycanda bu şəxslər dövlətdən pulsuz avtomobil ALACAQ - SİYAHI

TƏCİLİ! İran bu dəqiqələrdə qərarını açıqladı:Orduya əmr VERİLDİ

Yod

Ən çox səhv edilən mövzu. Haşimoto zamanı əlavə yod çox vaxt lazım olmur, bəzən isə vəziyyəti pisləşdirir. Yod yalnız real çatışmazlıq sübut olunarsa düşünülə bilər.

Vitamin B12

Autoimmun xəstəliklərdə B12 çatışmazlığı daha tez-tez görülür. Yorğunluq, keyimə, diqqət dağınıqlığı varsa, mütləq yoxlanmalıdır.

Omega-3

Birbaşa müalicə deyil, amma iltihabı azaltmağa və metabolik vəziyyəti yaxşılaşdırmağa kömək edə bilər. Dəstək rolundadır.

Əsas xəbərdarlıq

Vitaminlər müalicə deyil. Levotiroksini əvəz etmir. “Bir dost içdi, mən də içim” yanaşması burada işləmir.

Hazırladı: Jalə