Bu şəxslər yaşıl çay içsinlər: Görün,nə faydası var imiş

TİBB

150

18.03.2026, 23:10

Yaşıl çayın ürək-damar sağlamlığına təsiri nə qədərdir?

Mütəxəssislər bildirirlər ki, yaşıl çay düzgün və ölçülü şəkildə qəbul edildikdə ürək-damar sistemi üçün faydalı ola bilər. Yaşıl çayın tərkibində olan antioksidantlar və xüsusilə katexinlər damar divarında iltihabi proseslərin azalmasına, damarların elastikliyinin artmasına və oksidləşmə prosesinin zəifləməsinə kömək edə bilər.

Oxu24.com xəbər verir ki, araşdırmalara əsasən, bu təsirlər damarların sərtləşməsi prosesini ləngidə, qan təzyiqinin normallaşmasına dəstək ola və ümumi ürək sağlamlığını yaxşılaşdıra bilər. Bəzi hallarda yaşıl çayın yüngül antiaritmik təsiri olduğu da qeyd edilir.

Bununla belə, həkimlər xəbərdarlıq edirlər ki, yaşıl çay hər kəs üçün eyni dərəcədə uyğun olmaya bilər.

Mədə-bağırsaq problemi olan şəxslər, aşağı təzyiqdən əziyyət çəkənlər və ürək ritm pozğunluğu olan pasiyentlər yaşıl çaydan istifadə edərkən diqqətli olmalıdırlar. Həmçinin, yaşıl çayın həddindən artıq miqdarda və ya şirniyyatlarla birlikdə qəbul edilməsi arzuolunmaz təsirlərə səbəb ola bilər.

Mütəxəssislər vurğulayırlar ki, yaşıl çay möcüzəvi müalicə vasitəsi deyil. Əgər pasiyentə həkim tərəfindən statinlər və ya digər ürək-damar preparatları təyin edilibsə, həmin dərmanların qəbulu dayandırılmamalıdır. Sağlam qidalanma, fiziki aktivlik və tibbi göstərişlərə əməl etmək əsas şərt olaraq qalır.

Həmçinin oxuyun