Göy qurşağının yaranması ilə bağlı MARAQLI FAKT

Göy qurşağı sadəcə gözəl bir təbiət mənzərəsi deyil, əslində, işığın möhtəşəm bir oyunudur. Yağışdan sonra günəş çıxanda səmada gördüyümüz o rəngli yarım dairə milyonlarla su damcısının içində baş verən sehirli bir hadisənin nəticəsidir.

Günəşdən gələn işıq bizə ağ rəngdə görünür, amma əslində, bu ağ işığın içində qırmızı, narıncı, sarı, yaşıl, mavi, göy və bənövşəyi kimi bir çox rəng gizlənir.

Yağış damcıları kiçik prizma kimi işləyir. Günəş şüası damcının içində daxil olanda sınır, sonra damcının içində əks olunur və yenidən çıxarkən rənglər bir-birindən ayrılır. Biz də bunu göy qurşağı kimi görürük. Ən maraqlısı isə budur ki, əslində hər insan özünə aid fərqli bir göy qurşağı görür. Çünki sənə görünən damcı bucağı ilə başqasına görünən damcı bucağı fərqlidir.

Yəni, iki insan tam olaraq eyni göy qurşağını görə bilmir. Bir başqa maraqlı fakt isə, göy qurşağına yaxınlaşmağa çalışdıqca onun səndən uzaqlaşmasıdır. Çünki göy qurşağı sabit bir obyekt deyil, sadəcə işığın gözümüzə müəyyən bucaq altında çatmasıdır. Buna görə də onun başladığı yerə çatmaq mümkün deyil. Bəzən insanlar iki qat göy qurşağı da görürlər. Bu zaman ikinci zəif bir yay birincinin üst tərəfində yaranır.

Bunun səbəbi, işığın damcının içində iki dəfə əks olunmasıdır. Maraqlısı odur ki, ikinci göy qurşağında rənglərin sırası tərsin olur. Hətta gecə vaxtı da nadir hallarda göyqurşağı yarana bilir. Bu, günəş yox, ay işığının su damcılarında sınması nəticəsində baş verir. Amma çox zəif olduğu üçün hər kəs onu görə bilmir. Qədim zamanlarda insanlar göy qurşağını sirli bir körpü hesab edirdilər.

Bəzi mifologiyalarda onun göy ilə yer arasında keçid olduğu düşünülürdü. Hətta bəzi əfsanələrdə deyilir ki, göy qurşağının sonunda xəzinə gizlənir. Əslində isə göy qurşağı bizə göstərir ki, adi görünən günəş işığının içində necə möhtəşəm bir rənc dünyası gizlənir. Təbiət bəzən ən sadə şeylərlə insanı heyrətləndirməyi bacarır. 

Nigar

Həmçinin oxuyun

Prezidentin Sərəncamı ilə irimiqyaslı islahatlar gəlir — Yeni mərhələ NƏLƏRİ DƏYİŞƏCƏK?  

Əlillik pensiyası ilə bağlı yeni qaydalar tətbiq olunacaq - VİDEO 

29 mayda bizi nələr gözləyir?— ULDUZ FALI

Pensiya almaq üçün bunlar tələb OLUNACAQ