NATO-nun baş katibi rusları hədələyib

DÜNYA

583

15.10.2025, 13:01

NATO alyansın hava məkanının və ərazisinin hər qarışını müdafiə etmək üçün bütün vasitələrə və səlahiyyətlərə malikdir.

Oxu24.com xəbər verir ki, bunu NATO-nun baş katibi Mark Rutte Brüsseldə NATO müdafiə nazirlərinin görüşü ərəfəsində keçirdiyi mətbuat konfransında RBC Ukraynanın sualını cavablandırarkən deyib.

NATO-nun baş katibi RBC Ukraynanın NATO üzvü olan ölkənin müstəqil olaraq pilotsuz təyyarələri vurmağa qərar verə biləcəyi ilə bağlı sualına cavab olaraq ruslara müraciət edib.

İcazə verin, ruslara müraciət edim: əgər onlar qəsdən NATO-ya qarşı nəsə etməyə cəhd etsələr, bizim NATO hava məkanını və ərazisinin hər qarışını müdafiə etmək üçün bütün vasitə və səlahiyyətimiz var”, - Rutte bildirib.

O qeyd edib ki, alyans düşmən hədəflərə qarşı mübarizədə Ukrayna təcrübəsini öyrənərək ən son texnologiyaları fəal şəkildə tətbiq edir.

Onun sözlərinə görə, Polşada pilotsuz uçuş aparatı və MiQ-31 təyyarəsinin Estoniya hava məkanına daxil olması hallarında NATO ehtiyatlı davranıb: təhlükə yarananda pilotsuz təyyarə vurulub, olmadıqda isə F-35 qırıcıları Rusiya təyyarəsini hava məkanından çıxarıb.

"Biz məhz belə məşq edirik və hazırlaşırıq. Və dostlar, bu, yeni bir şey deyil. Biz bunu 60-70 ildir ki, həm Sovet, həm də Rusiya təyyarələri ilə edirik. Ona görə də ictimai müstəvidə müşahidə etdiyim bəzi müzakirələr - NATO-nun səlahiyyəti olub-olmaması - bəli, belədir. Və əlbəttə ki, biz hər gün yeni texnologiyalara uyğunlaşmalıyıq", - Rutte əlavə edib.

Nigar

Həmçinin oxuyun