İran 7 oktyabr qətliamının təfərrüatlarını açıqlayıb

news/2025_10_04/898627_src_1759576476.webp

DÜNYA

529

04.10.2025, 15:50

İslam İnqilabı Keşikçiləri Korpusu Qüds Qüvvələrinin komandanı briqada generalı İsmayıl Qaani bildirib ki, 2023-cü ilin oktyabrında HƏMAS terror hücumu o qədər ciddi məxfilik şəraitində təşkil edilib ki, hətta HƏMAS siyasi bürosunun mərhum lideri İsmayıl Haniyə və ya Seyid Həsən Nəsrullah belə onun vaxtı barədə məlumatlandırılmayıb.

Oxu24.com xəbər verir ki, Qaani İran televiziyasına verdiyi müsahibədə 2023-cü il oktyabrın 7-də başlayan “Əl-Əqsa fırtınası” əməliyyatı ilə bağlı həddindən artıq məxfiliyin olduğunu vurğulayıb.

"Maraqlısı o idi ki, nə bizə, nə Seyid Həsənə, nə də hətta HƏMAS-ın yüksək səviyyəli liderlərinə bu əməliyyatın dəqiq vaxtı barədə məlumat verilməyib. Qəzza əməliyyatı elan ediləndə Haniyə İraqa səfər etmək üçün hava limanına gedirdi və geri qayıdarkən xəbər tutmuşdu",-deyə o bildirib.

O, hücumla bağlı əvvəlcədən heç kimin məlumatlandırılmamasına baxmayaraq, “şəhid Seyid Həsən Nəsrullahın lazımi mərhələləri diqqətlə və metodik şəkildə müəyyənləşdirdiyini” izah edib.

Həmçinin oxuyun

Pensiya ilə bağlı VACİB XƏBƏR

Toyuq ətinin rəngi nəyi göstərir? - VACİB MƏLUMAT

Vəkil Esmira Rzayeva: Penitensiar Xidmət müstəqil status ala bilər

Prezidentdən deputatın oğlu ilə bağlı SƏRƏNCAM

General Qaani həmçinin bildirib ki, Hizbullahın təzyiqləri İsraili ordusunun üçdə birini Livanın cənubuna göndərməyə məcbur edib.

2023-cü il oktyabrın 7-də fələstinli terrorçular müasir İsrail dövlətinin tarixində ən böyük mülki vətəndaş qırğını həyata keçirib, təxminən 1200 nəfəri qətlə yetiriblər. Silahlılar həmçinin 250 nəfəri girov götürərək Qəzza zolağına aparıblar. Girovların bəziləri dəyişdirilib və ya azad edilib, bəziləri isə ölüb.

Nigar