Diplom və attestatlar artıq ELEKTRON OLACAQ: Bizi hansı yeniliklər gözləyir? – Ekspert Açıqlayır  

Azərbaycanda təhsil sahəsində rəqəmsallaşma istiqamətində mühüm addımlar atılır. Artıq dövlət nümunəli təhsil sənədlərinin — həm attestatların, həm də diplomların mərhələli şəkildə elektron formaya keçirilməsi prosesi sürətlənib. Bu yenilik həm məzunlar, həm də işəgötürənlər üçün bir sıra üstünlüklər vədlər edir.

Mövzu ilə bağlı   təhsil eksperti  Elçin Əfəndi öz fikirlərini  Oxu24.com-la bölüşərək, bu keçidin zərurətini və gətirdiyi üstünlükləri diqqətə çatdırıb.

Ekspert bildirir ki, elektron sənəd sisteminə keçid təkcə Azərbaycana məxsus deyil, bu, dünyanın əksər inkişaf etmiş ölkələrində tətbiq olunan qlobal bir prosesdir. Elçin Əfəndi bu qərarın verilməsini bir neçə əsas amillə əlaqələndirir:

 Ekoloji balansın qorunması: Kağız daşıyıcılardan imtina edilməsi külli miqdarda kağız israfının qarşısını alır, bu isə öz növbəsində ağacların kəsilməsini azaldaraq ekoloji mühitə müsbət təsir göstərir.

Obyektivliyin təmin olunması: Elektron sistem sənədlərin saxtalaşdırılma riskini sıfıra endirir və qiymətləndirmə prosesində tam şəffaflığı təmin edir.

Əvvəlki illərdə məzunların ən çox qarşılaşdığı problemlərdən biri sənədlərin gec verilməsi idi. Ekspert qeyd edir ki, kağız diplomların hazırlanması aylar çəkirdi:

"Tədris iyun ayında bitsə də, tələbələr diplomlarını bəzən oktyabr-noyabr aylarında, hətta bir ilə yaxın müddətdən sonra əldə edə bilirdilər. Elektron sistem bu vaxt itkisini aradan qaldırır və sənədin dərhal əlçatan olmasını təmin edir”.

Bəzi vətəndaşların elektron sistemin təhlükəsizliyi ilə bağlı şübhələrinə aydınlıq gətirən E.Əfəndi qeyd edib ki, bütün məlumatlar vahid Elektron Hökumət Portalı vasitəsilə qorunur.

* Kiber müdafiə: Sistem ən yüksək səviyyədə mühafizə olunur və kənar müdaxilə, yaxud kiberhücum ehtimalı demək olar ki, yoxdur.

* İstifadə asanlığı: Vətəndaşlar istədikləri vaxt sənədlərini portaldan yükləyə və müvafiq təşkilatlara elektron qaydada göndərə bilərlər.

Yeni sistemin ən böyük üstünlüklərindən biri də saxta sənədlərin dövriyyədən tamamilə çıxarılmasıdır. Elektron reyestr imkan verir ki, istənilən qurum sənədin həqiqiliyini bir neçə saniyə ərzində yoxlasın.

Ekspertin sözlərinə görə, bu addım müasir dövrün tələbi olmaqla yanaşı, təhsil sistemində şəffaflığın artırılmasına xidmət edən mütərəqqi bir qərardır.

Çimnaz Telmanqızı

Həmçinin oxuyun

Sosial büdcədə rekord: maaş və pensiyalar artır? 

Prezidentin vəzifədən azad etdiyi məmurla bağlı yeni qərar verildi

SON DƏQİQƏ AÇIQLAMASI: Avqustun 10-dan sonra başlanılacaq

Yüksək vəzifəyə təyinat alan xanım KİMDİR? — FOTO