Zaur Həmidov müvafiq sosial ödənişlərlə təmin olunacaq - RƏSMİ

news/2025_10_15/zaur_teb_1760353850_1760549100.jpg

CƏMİYYƏT

722

15.10.2025, 21:12

Ucar rayonu,Qazyan kənd sakini Həmidov Zaur Faiq oğlunun pensiyasının kəsildiyi üçün müraciət etməsi barədə xəbər vermişdik.

Rayon sakini Oxu24.com-a müraciətində əlillik dərəcəsinin olmasına baxmayaraq pensiyasının kəsildiyini və təkrar müraciət etsə də,sənədlərinin Göyçay Rayon Xəstəxanası tərəfindən sistemə vurulmaqdan imtina edildiyini bildirmişdi.

Şikayətçinin saytımıza təqdim etdiyi görüntülərdə onun həqiqətən də əlilliyinin olması və ailə üzvlərinin köməkliyi ilə hərəkət etdiyi görünür.

Dövlət Tibbi-Sosial Ekspertiza və Reabilitasiya Agentliyi məsələ ilə bağlı açıqlama yayıb.

Həmçinin oxuyun

Vəkil Esmira Rzayeva: Penitensiar Xidmət müstəqil status ala bilər

Prezidentdən deputatın oğlu ilə bağlı SƏRƏNCAM

Eyyubovlardan sonra növbə kimindir?

Yuxu dərmanı atıb yatanlara VACİB XƏBƏR

Oxu24.com-a verilən məlumata görə, Ucar rayon sakini 1976-cı il təvəllüdlü Həmidov Zaur Faiq oğlu əlilliyinin qiymətləndirilməsi məqsədilə Dövlət Tibbi-Sosial Ekspertiza və Reabilitasiya Agentliyində əyani müayinə edilib.

Müəyyən edilib ki, vətəndaşın hazırki sağlamlıq vəziyyəti əlillik səviyyəsindədir. Lakin Zaur Həmidovun xəstəliyinə aid heç bir müayinə və müalicə sənədləri olmadığı üçün əlillik təyinatının rəsmiləşdirilməsi mümkün olmurdu.

Artıq tibb müəssisəsi tərəfindən müvafiq sənədlər təqdim edildiyi üçün vətəndaşa orqanizmin funksiyalarının 85% pozulmasına görə müddətsiz əlillik təyinatı rəsmiləşdirilərək elektron sistemə daxil edilib.

Zaur Həmidov buna uyğun olaraq müvafiq sosial ödənişlərlə təmin olunacaq.

Miri