32 yaş...sən heç bu yaşa çatmadın ki... - Şəhid Əbdülməcid Axundovun doğum günüdür

news/2025_10_15/ebdulmecid201610151_1760516903.jpg

CƏMİYYƏT

1880

15.10.2025, 12:16

2016-cı ilin aprelində baş vermiş döyüşlərdə şəhid olmuş manqa komandiri Əbdülməcid Axundovun bu gün doğum günüdür.

Oxu24.com xatırladır ki, 1993-cü ilin 15 oktyabr günündə Sumqayıt şəhərində Nadirşah və Ceyran Axundovaların ailəsində anadan olub. 2010-cu ildə Sumqayıt şəhərində yerləşən 16 saylı tam orta məktəbi bitirən Əbdülməcid Axundov elə həmin il Azərbaycan Texniki Universitetinə daxil olub.

Əsgər Əbdülməcid Axundov 2016-cı ilin aprelin 2-də Seysulan istiqamətində qəhrəmancasına şəhid olub.

Aprelin 9-u isə Əbdülməcid Axundov doğulduğu Sumqayıt şəhərinin Şəhidlər Xiyabanında dəfn olunub.

Əbdülməcid Axundov ölümündən sonra göstərdiyi qəhrəmanlığa görə Azərbaycan Respublikasının Prezidenti İlham Əliyevin sərəncamı ilə "Hərbi xidmətdə fərqlənməyə görə" III dərəcəli medalı ilə təltif edilib.Haqqında filmlər çəkilib,geniş məqalələr yazılıb.

Həmçinin oxuyun

Pensiya ilə bağlı VACİB XƏBƏR

Toyuq ətinin rəngi nəyi göstərir? - VACİB MƏLUMAT

Vəkil Esmira Rzayeva: Penitensiar Xidmət müstəqil status ala bilər

Prezidentdən deputatın oğlu ilə bağlı SƏRƏNCAM

Əbdülməcid Axundovun anası Ceyran Həsənova şəhid oğlunun doğum gününü belə yad edib:

Bu gün sənin doğum günün...ad gününündə istərdin həmişə qonaqlar olsun, səni təbrikə gəlsinlər.

İndi sənin doğum gününü hamı yada salır, sənsiz səni təbrik edirlər. 32 yaş...sən heç bu yaşa çatmadın ki..23 olmamış əbədiyyətə qovuşdun. Bu fani dünyanın haqsızlıqlarını çox görmədən, günahlara batmadan, təmiz, saf qalaraq ən uca zirvədə özünə yer aldın.

Sənsizliyə dözmək çox çətindi....amma dözurəm...mənimçün yaşamaq, həyatım o qədər mənasızdı ki...omür də qısalır, yavaş - yavaş...sənə yaxınlaşıram...demək olar ki, günlərimi sayıram...

Mövludun mübarək şəhid balam. Məqamın uca, məkanın cənnət olsun bala...

Miri Məcidli