“Təcili hal zamanı tibbi xidmətin limiti bitsə belə icbari tibbi sığorta çərçivəsində həmin proses icra olunur”.

Bu barədə İcbari Tibbi Sığorta üzrə Dövlət Agentliyinin Tibbi ekspertiza şöbəsinin müdiri Nərgiz Ağayeva agentliyin “Facebook” səhifəsində canlı yayımda çıxışı zamanı məlumat verib.

Onun sözlərinə görə, bu xidmət dövlət xəstəxanasında olmayanda həkim təyinatı ilə özəl tibb müəssisəsinə yönləndirilir:

“Hazıra endoprotez və koxlear implantasiya əməliyyatları üzrə xidmətlər limitlidir. Yeni xidmətlər zərfində bu limitin artırılması gözlənilir”.