Sadə boğaz gigiyenası revmatizm riskini azalda bilər – Professorun tövsiyələri

Revmatizm bir çox insanın əziyyət çəkdiyi, oynaqları və ürək-damar sistemini zədələyən ciddi bir xəstəlikdir. Lakin əksəriyyət bu xəstəliyin birbaşa boğaz orqanlarından başladığını və sadə gigiyenik qaydalarla onun qarşısını almağın mümkün olduğunu bilmir. Tanınmış mütəxəssis, professor Rəşid Mahmudov revmatizmin yaranma səbəbləri və ondan qorunmağın ən effektiv yollarını Oxu24.com-a açıqlayıb.

Azərbaycanın tanınmış alimi, tibb elmləri doktoru, professor Rəşid Mahmudov uzun illərdir ki, tibb sahəsindəki fəaliyyəti, dərin elmi bilikləri və cəmiyyəti maarifləndirən çıxışları ilə seçilir. Professor insan sağlamlığı üçün böyük təhlükə yaradan revmatizm xəstəliyinə qarşı effektiv mübarizə üsullarından bəhs edərək, hər bir vətəndaşın ev şəraitində edə biləcəyi sadə tövsiyələri paylaşıb.

Professor qeyd edir ki, revmatizm əsasən boğazdan başlayır:

“Xəstəliyin törədicisi A qrupu beta-hemolitik streptokokdur. Bu, boğazda məskunlaşan və ciddi fəsadlara yol açan bir mikrob, bakteriyadır. Əgər boğazda daimi infeksiya ocağı (mikrob) varsa, sadəcə digər orqanları müalicə etməklə tam nəticə almaq qeyri-mümkündür”.

Onun sözlərinə görə, insanlardan tələb olunur ki, boğazlarını daima təmiz saxlasınlar. Əgər boğazda mikrob varsa, digər müalicələrin tam xeyri olmayacaq.

Rəşid Mahmudov boğazın təmizlənməsi və streptokok bakteriyasının məhv edilməsi üçün hamının əlçatanlığı olan iki əsas üsulu vurğulayıb:

•Çay sodası ilə qarqara: Əgər heç bir preparat əlçatan deyilsə, adi çay sodası ilə boğazı qarqara etmək lazımdır. Bu prosedur xüsusilə səhər yeməyindən sonra və axşam yatmazdan əvvəl (ondan sonra heç bir şey yeyib-içməmək şərtilə) edilməlidir.

•Hidrogen peroksid (H_2O_2): Digər bir effektiv vasitə isə apteklərdə satılan hidrogen peroksiddir (perekis). Professor bildirir ki, hidrogen peroksidin parçalanması nəticəsində su və atomar oksigen əmələ gəlir. Atomar oksigen olan mühitdə isə heç bir canlı mikrob yaşaya bilməz, o tamamilə məhv olur. 

Sonda o bildirib ki, boğaz gigiyenasına riayət etmək sizi gələcəkdə yarana biləcək ağır revmatik fəsadlardan və oynaq ağrılarından qoruyacaq. Özünüzü və sağlamlığınızı qoruyun!

Həmçinin oxuyun

10 avqustda bizi nələr gözləyir? — ULDUZ FALI

Leysan,dolu və şimşəklə bağlı XƏBƏRDARLIQ

Azərbaycanda 8 gün iş olmayacaq 

Nikol Paşinyan İlham Əliyevə zəng etdi