Yağ yeməsəniz, ödünüzdə daş yaranacaq – Terapevtdən XƏBƏRDARLIQ  

Müasir dövrdə sağlam qidalanma və pəhriz adı altında bir çox insan yağlı qidaları rasionundan tamamilə çıxarmağa çalışır. Lakin tibb mütəxəssisləri xəbərdarlıq edir ki, yağdan tamamilə imtina etmək orqanizmdə gözlənilməz və olduqca ciddi fəsadlara yol aça bilər. Xüsusilə son illərdə şəkərdən daha çox yağdan qorxma tendensiyası geniş vüsət alsa da, bioloji reallıq tam fərqlidir. Yağ orqanizmin normal fəaliyyəti, xüsusilə də həzm sisteminin düzgün işləməsi üçün həyati əhəmiyyət kəsb edən əsas elementlərdən biridir. Bu mövzuda əhalini maarifləndirmək və yanlış inancların qarşısını almaq məqsədilə Oxu24.com olaraq mütəxəssis rəyini oxucularımıza təqdim edirik.

Mövzu ilə bağlı Oxu24.com-un  suallarını cavablandıran Terapevt Dr. Qürbət Allahverdiyev yağ qəbulunun azaldılmasının fəsadlarından və insan orqanizminin möcüzəvi müdafiə mexanizmlərindən danışıb:

"İnsanlar yağdan daha çox şəkərdən qorxmalıdırlar, lakin əksinə, yağdan qorxurlar. Hər kəs bilməlidir ki, yağ orqanizmə mütləq lazımdır. Əgər siz yağ yeməsəniz, öd kisənizdə daş əmələ gələcək”.

Bəs bu proses necə baş verir? 

Həkim qeyd edib ki, öd məhz yağa ifraz olunur. Ödün funksiyası qadınların qab yuyarkən istifadə etdiyi yağ əridici maye sabunlar kimidir – o, yağı əridir. Yağlı qida onikibarmaq bağırsağa düşən kimi öd kisəsi dərhal yığılaraq ödü bağırsağa axıdır ki, həmin yağı əridə bilsin;“Təsəvvür edin ki, siz yağ qəbul etmirsiniz. Yağ yeməyəndə öd işləməyəcək, durğun vəziyyətdə dayanacaq. Öd gözləyəcək ki, nə vaxt yağlı qida gələcək; gəlməyəndə isə orada çöküntü və nəticədə daş əmələ gələcək. Ona görə də yağlı yemək yemək lazımdır, hətta az bişmiş (çiy) ət də yemək lazımdır”.

Qürbət Allahverdiyev bildirib ki, insan orqanizmi o qədər böyük, zəngin və mükəmməldir ki, bizim düşündüyümüz kimi tez xəstələnən deyil:“Biz elə bilirik ki, adi bir yelçəkən olan kimi dərhal xəstələnərik, amma qaydasında və düzgün qidalandıqda orqanizmimiz buna imkan verməz. Məsələn, bağırsaqlarımızın uzunluğu təxminən 6-9 metr arasındadır. Lakin həzmdə iştirak edən həmin bağırsaq xovlarını bir yerə yığsaq, bütövlükdə 6 hektar sahəni əhatə edər. Bizim bədənimizdə nəhəng bir sistem fəaliyyət göstərir. Odur ki, hər şeyi normasında və qaydasında yedikdə bədənimiz özü-özünü mükəmməl şəkildə qoruyur”.

Çimnaz

Həmçinin oxuyun

Nikol Paşinyan İlham Əliyevə zəng etdi 

Azərbaycanda bu tarixdə 40 dərəcə isti OLACAQ

9 avqustda bizi nələr gözləyir? — ULDUZ FALI

Müəllimlərin diqqətinə!8 avqust saat 11:00-dan etibarən BAŞLADI