Zob xəstələri nə içməlidir? - Həkim vacib tövsiyələr verdi

TİBB

138

30.04.2026, 12:03

Haşimoto zamanı: Selen, Vitamin D, yoxsa Qlütensiz pəhriz? Hansı həqiqətən işləyir?

Mövzu ilə bağlı Oxu24.com-a danışan Tibb elmləri namizədi,Endokrinoloq Oktay Hüseynzadə vacib məqamları açıqlayıb.

Haşimoto diaqnozu qoyulan kimi pasiyent soruşur:

“Doktor, selen içim?”

“Vitamin D kömək edər?”

“Qlütensiz pəhriz saxlayım?”

Gəlin emosiyasız, sübutlara əsaslanaraq baxaq

Selen — həqiqətən lazımdırmı?

Araşdırmalar göstərir ki, selen bəzi hallarda anti-TPO səviyyəsini azalda bilər.Amma anticisimlərin azalması hər zaman klinik yaxşılaşma demək deyil. Yüngül defisit varsa düşünmək olar,qısa müddətli kurs mümkündür.Lakin hər xəstəyə avtomatik və uzunmüddətli qəbul tövsiyə edilmir.

Vitamin D — daha real faktor

Həmçinin oxuyun

Övladı olmayan şəxs əmlakını kimə bağışlaya bilər? — Vəkillərlə hüquqi MÜZAKİRƏ

Əli Əsədovdan yeni QƏRAR: Sahil Babayev sədr oldu

Nazirlik təcili açıqlama yaydı: 30 iyunadək vaxtınız var

14 yaşlı qızla hamamda ölən Yusufla bağlı GÖRÜNTÜLƏR yayıldı - VİDEO

Vitamin D çatışmazlığı Haşimoto olanlarda daha tez-tez rast gəlinir. İmmun sistem balansına təsir edir.Çatışmazlıq varsa mütləq korreksiya olunmalıdır

Amma yenə də Vitamin D Haşimoto-nu “müalicə etmir”. Sadəcə ümumi immun və metabolik sağlamlıq üçün vacibdir.

Qlütensiz pəhriz — hamıya lazımdır?

Ən çox müzakirə olunan mövzu budur.

Əgər çölyak xəstəliyi varsa — mütləq lazımdır.Qlütensiz qidalanma bəzi insanlarda subyektiv yaxşılaşma verə bilər.

Amma elmi baxımdan hər Haşimoto xəstəsinə qlütensiz dieta məcburi deyil.Bəzən səbəbsiz məhdudiyyət sadəcə stress yaradır.

Haşimoto zamanı əsas məqsəd:

TSH və Free T4-ü normada saxlamaq

Klinik vəziyyəti izləmək

Lazımsız əlavələrdən qaçmaq

Hazırladı: Jalə