Braziliya Ali Seçki Məhkəməsi Meta şirkətini 1,34 milyon dollar cərimələyib

Braziliya Ali Seçki Məhkəməsi ABŞ texnologiya şirkəti Meta-nı prezident seçkiləri kampaniyası zamanı siyasi məzmun yaymaq iddiaları ilə bağlı natamam məlumat verdiyinə görə 7,5 milyon real (təxminən 1,34 milyon dollar) məbləğində cərimələyib.

Oxu24.com xəbər verir ki,Agencia Brasil xəbər agentliyinin məlumatına görə, Braziliya prezidenti Luiz İnasio Lula da Silvanın yenidən seçilməsini dəstəkləyən "Braziliya daha çoxuna hazırdır" kampaniyasının hüquq qrupu Meta-ya qarşı iddia qaldırıb.

Hüquq qrupu Facebook, Instagram və WhatsApp kimi sosial media platformalarına sahib olan Meta-nı Lula-nın məzmununa girişi məhdudlaşdırmaq və Liberal Partiyasından məğlub namizəd Flavio Bolsonaronun kampaniyasına dəstək vermək üçün ikili standartlar tətbiq etməkdə günahlandırıb.

Ali Seçki Məhkəməsində keçirilən dinləmə zamanı iş üzrə məruzəçi hakim Marko Aurelio Bellizze Meta-dan seçkilərlə bağlı məlumat verməsini tələb edən 17 əmr verdiyini, lakin şirkətin müəyyən edilmiş çatışmazlıqlar ilə bağlı natamam məlumat verdiyini və bu da iddiaların doğruluğunu yoxlamağı çətinləşdirdiyini bildirib.

Belizze bildirib ki, "Məlumatların bir hissəsi xarici dildə, ümumiləşdirilmiş məlumatlarda və ümumi şəkildə təqdim edildiyi üçün şəffaflıqdan məhrum olub".

Bu fikri sədrlik edən hakim Kassio Nunes Marques də daxil olmaqla altı digər hakim dəstəkləyib.

Ali Seçki Məhkəməsi yekdilliklə qərar verib ki, Meta şirkətə qarşı platformalarındakı siyasi məzmunla bağlı iddia edilən qərəzli təcrübələrə görə qaldırılan işdə məlumat sorğularına natamam cavablar verib.

Meta iddiaları təkzib edib.

Dinləmədə çıxış edən Meta-nın müdafiə heyəti müəyyən namizədlərə qarşı tərəfkeşlik iddialarının "yalan və əsassız" olduğunu bildirib.

Müdafiə heyəti bildirib ki, "Meta tərəfindən ədalətsiz rəftara dair heç bir dəlil yoxdur".

Dinləmədən əvvəl məhkəməyə təqdim edilən sənəddə Meta həmçinin qərəzli siyasi məzmun yaymaq iddialarını da təkzib edib.

Agencia Brasil-in məlumatına görə, Meta-ya tətbiq edilən təxminən 1,34 milyon dollar cərimə işi yekunlaşdırmır və məhkəmə Metanın müəyyən namizədlərə üstünlük verib-vermədiyini araşdırmağa davam edəcək.

Meta heç bir seçkidə tərəf tutmadığını vurğulayır

Nigar

Həmçinin oxuyun

Prezident və xanımı da iştirak edir: Azərbaycanın COP31-ə verdiyi töhfə – Deputatdan AÇIQLAMA  

Arif Abbasov həbs edilib  - ŞOK TƏFƏRRÜAT

Azərbaycanın əməkdar artisti VƏFAT ETDİ

98 il yaşayan azərbaycanlı general - Maraqlı faktlar