Çay içib arıqlamaq istəyənlərə həkimdən XƏBƏRDARLIQ

Arıqlama çayları həqiqətən arıqladır, yoxsa sağlamlığımızı təhlükəyə atır? – Dietoloqdan XƏBƏRDARLIQ

Son zamanlar sosial şəbəkələrdə geniş yayılan və sürətli çəki itirməyi vəd edən "arıqlama çayları" əslində böyük bir təhlükə mənbəyidir.

Tanınmış həkim-dietoloq, Anti-age üzrə mütəxəssis,diet kitablar müəllifi Leyla Zülfüqarlı mövzu ilə bağlı  Oxu24.com-a açıqlamasında  mühüm məqamlara toxunaraq, bu trendin görünməyən tərəflərini qeyd edib.

Leyla Zülfüqarlı bildirib ki, bir çay içməklə arıqlamaq elmi cəhətdən mümkün deyil. Onun sözlərinə görə, əgər insanda artıq çəki və piyənmə xəstəliyi varsa, bu, hormonal pozuntular və kimyəvi proseslərlə bağlıdır. Bu problemlər isə yalnız həkim nəzarəti altında müalicə edilərək aradan qaldırıla bilər.

"Arıqlama çayı deyilən trend artıq marketinq hiyləsindən başqa bir şey deyil. Çünki, bir çay ilə arıqlamaq olmaz. Biz hormonal statusu düzəltməklə arıqladırıq, amma bir çay bunu edə bilməz”.

Dietoloq qeyd edib ki, bu çayların və kapsulların tərkibindəki sibutramin adlı maddə birbaşa iştahı kəsir. İnsan yemək yemədikdə bədən ilk növbədə hüceyrəarası mayeni, daha sonra isə ən təhlükəlisi — əzələ kütləsini itirir:

“Xüsusilə 40 yaşdan yuxarı şəxslərdə əzələ itkisi (sarkopeniya) onsuz da təbii şəkildə baş verir. Süni vasitələrlə arıqladıqda isə əzələlər parçalanır və bu itkini bərpa etmək demək olar ki, qeyri-mümkündür. Ayda 10 kiloqram arıqlamağı vəd edən vasitələr bədəni aclıq rejimində saxlayaraq metabolizmanı məhv edir”.

Bəs doğru arıqlama yolu hansıdır?

Həkim vurğulayır ki, möcüzəvi çaylar axtarmaq əvəzinə, köklüyün kökündə duran səbəbləri müalicə etmək lazımdır. Rasionun düzəldilməsi, yuxu rejimi, fiziki aktivlik və çatışmayan vitamin-mineralların bərpası sağlam arıqlamanın tək yoludur.

Leyla Zülfüqarlı həmçinin qeyd edib ki, metabolizmanı sürətləndirmək üçün iştahı kəsən deyil, bədəni detoks edən və təbii bitkilərdən ibarət müalicəvi çaylardan (məsələn, Detox LZ, Diet LZ xətti) istifadə etmək daha doğrudur. Bu növ çaylar iştahı qapatmır, əksinə bədənin təbii funksiyalarını dəstəkləyərək sağlam şəkildə formaya düşməyə kömək edir.

Unutmayın: Sağlamlığınız hər hansı marketinq vədindən daha dəyərlidir!

Çimnaz Telmanqızı

Həmçinin oxuyun

Bakıda daha bir jurnalistə hücum OLDU

Pensiyaçılar, uşaqlar və işləyənlər üçün YENİ MƏBLƏĞLƏR AÇIQLANDI

Hadisə yerində ÖLƏNLƏR VAR

Azərbaycanda yeni cərimələr müəyyənləşdirilir