Həkim izah edir: İnsan niyə darıxır?  

Mütəxəssislərin sözlərinə görə, darıxmaq əsasən emosional boşluq hissi ilə bağlı olan bir vəziyyətdir. İnsan daxilində müəyyən bir boşluq hiss etdikdə bu duyğunu “darıxmaq” kimi ifadə edir.

Oxu24.com xəbər verir ki,həkimlər bildirirlər ki, insan beynində müsbət və mənfi emosiyalara cavabdeh olan mərkəzlər mövcuddur.

Elmi dildə bu mərkəzlərdən biri akumbens nüvəsi adlanır və bəzən populyar ədəbiyyatda “müsbət emosiyalar mərkəzi” kimi təqdim olunur. Beyin normal işləməsi üçün bu mərkəzlər arasında balans qorunmalıdır.

Əgər müsbət emosiyalar mərkəzi həddindən artıq aktivləşərsə, insanda eyforiya yarana bilər. Məsələn, böyük sevinc yaşadıqda və ya bəzi hallarda spirtli içkilərin təsiri altında insanın davranışlarında həddindən artıq emosional reaksiyalar müşahidə olunur.

Əksinə, mənfi emosiyalar mərkəzinin aktivliyi artdıqda isə insan depressiv vəziyyətə düşə, özünə qapanaraq heç nəyə maraq göstərməyə bilər.

Mütəxəssislərin sözlərinə görə, bu balansın qorunmasında bəzi biokimyəvi maddələr – hormon və neyromediatorlar mühüm rol oynayır. Bunlardan biri oksitosindir. Oksitosin bəzən “sevgi hormonu” da adlandırılır və insanın yaxınlarına, ailəsinə və sevdiyi işə qarşı bağlılıq hissi ilə əlaqələndirilir.

Digər mühüm maddə isə dopamindir. Yeni məlumat əldə etdikdə, maraqlı bir şey öyrəndikdə və ya yeni təcrübə yaşadıqda dopamin ifraz olunur. Bu da insanın özünü daha motivasiyalı və xoşbəxt hiss etməsinə səbəb olur.

Həkimlər qeyd edirlər ki, monoton həyat tərzi, yəni hər gün eyni işləri görmək, yeniliklərin olmaması da darıxma hissini gücləndirə bilər. İnsan beyni yeni məlumat və yeni təcrübələr əldə etdikdə daha aktiv olur və bu da həyatın daha maraqlı hiss olunmasına kömək edir.

Nigar

Həmçinin oxuyun

SON DƏQİQƏ! Onlar vəzifələrini itirdilər

Bakıda yaşayanlara vacib XƏBƏR: Mayın 16-dan ETİBARƏN...

Prezident Fərman İMZALADI: Nazirlər Kabineti bu məsələləri həll etməlidir

Tanınmış ailənin qızına yüksək vəzifə verildi  — DOSYE