Tibbdə yenilik: insanlar üzərində test edəcəklər

TİBB

530

04.04.2025, 10:00

Dünyanın ən kiçik ürək batareyası hazırlanıb.

Oxu24.com xəbər verir ki, düyü dənəsindən belə kiçik olan bu texnologiya nümunəsi hazırda mövcud olan ən kiçik ürək cihazıdır.

Ürək döyüntülərini müvəqqəti nizamlamaq üçün yaradılan bu cihaz bədənə inyeksiya edildikdən qısa müddət sonra əriyərək yox olur. Onu işıqla idarə etmək mümkündür.

Bu cihazın insanlar üzərində tətbiqi bir neçə il sonra başlanacaq. Buna baxmayaraq kabelsiz kiçik batareya tibb dünyası üçün önəmli kəşfdir.

Yeni simsiz ürək cihazın diametri 1 və uzunluğu isə 3,5 millimetrdir. Batareya iynə ucuna sığacaq boydadır. Cihaz doğuşdan ürək xəstəliyi ilə dünyaya gələn şəxslər üçün çox faydalı olacaq. Həmçinin, yetişkin xəstələr üçün də ürək əməliyyatından sonra ritmi nizamlamaq məqsədilə istifadə oluna bilər.

Həmçinin oxuyun

Öz adına kredit götürüb başqasına verənlərə VACİB XƏBƏR — Məhkəmə təhlükəsi

Bəylər Eyyubovun general qohumu işdən ÇIXARILDI

Yeni general Kəmaləddin Heydərovun xanımının dayısı oğlu imiş -DETALLAR

Zelenski mühüm səfərə GETDİ: Nələr dəyişir?

Bu vaxtaqədər olan ürək cihazları kabelli idi. Onları çıxaranda problemlər yaşanırdı. Hətta, 2012-ci ildə bu səbəbdən astronavt Neil Armstrong həyatını itirib. Yeni cihaz isə xəstənin bədəninə inyeksiya edilir, hər hansı simə ehtiyac yoxdur.

Cihaz indiyəqədər siçan, donuz və itlər üzərində sınaqdan keçirilib. ABŞ Northwestern Universitetinin professoru John Rogers cihazın 2-3 il ərzində insanlar üzərində sınaqdan keçiriləcəyini bildirib. Çikaqo Universitetinin professoru Bozhi Tian isə yeni ürək cihazının tibb sahəsində inqilabi yenilik olduğunu və yalnız kardiologiya deyil, sinir bərpası, yara sağalması kimi sahələrdə də yeni imkanlar yaradacağını vurğulayıb.

Qeyd edək ki, Ümumdünya Səhiyyə Təşkilatının statistikalarına görə dünyada ən çox baş verən ölüm səbəblərindən biri ürək xəstəlikləridir. milli.az